web counter
LEXO PA REKLAMA!

SHKARKO APP

App Store
Google Play

Ndarja nga jeta e Marko Bellos/ Patozi rrëfen marrëdhënien e veçantë

4 Dhjetor 2020, 09:21, Sociale CNA

Koordinatori Bindjes Demokratike, Astrit Patozi ka shprehur ngushëllimet e tij për ndarjen nga jeta t ëish deputetit Marko Bello.

Përmes një postimi në rrjetet sociale, Patozi tregon njohjen me Bellon dhe miqësinë me të. Mes të tjërash, Patozi thotë se ikja e parakohshme e një shqiptari të njohur dhe të mirë mund të shërbejë që kjo shoqëri ta marrë pak më seriozisht këtë pandemi.

?TRISHTIM PËR HUMBJEN E NJË MIKU TË VEÇANTË
Me Marko Bellon jemi njohur, kur asnjëri prej nesh nuk merrej me politikë, ndaj edhe nuk kishin shumë arsye për të pasur mosmarrëveshje dhe, aq më pak, për t’u grindur. Pak vite më vonë koha apo fati na vendosi në dy anët e kundërta të barrikadës. Dhe kjo jo vetëm nuk e cënoi miqësinë, por jam i sigurt se e shtoi mirëkuptimin dhe respektin midis nesh.Kam bindjen se merita kryesore për këtë lloj marrëdhënieje, që haset kaq rrallë në viset tona të ashpra, i takon atij. Sot mësova me trishtim se Marko u nda nga kjo botë, pas një beteje të gjatë me armikun e padukshëm, të cilin ende një pjesë prej nesh nuk e pranojnë se ekziston. Ndoshta ikja e parakohshme e një shqiptari të njohur dhe të mirë mund të shërbejë që kjo shoqëri ta marrë pak më seriozisht këtë pandemi të flamosur, që nuk po kursen askënd?, shkruan Patozi./CNA.al





Lajmet e fundit nga