web counter
LEXO PA REKLAMA!

SHKARKO APP

App Store
Google Play

U infektua për herë të dytë/ Andi Përmeti fiton betejën me Covid-19

3 Dhjetor 2020, 11:51, Sociale CNA

Deputeti Andi Përmeti i cili ka qenë pjesë e listës së Lulzim Bashës, tashmë përfaqësues i Bindjes Demokratike ka fituar betejën e tij me Covid-19 dhe është një nga shumë deputetët e prekur por, ai është një rast i veçantë. Kjo jo vetëm për shkak të moshës së tij të re, vetëm 33 vjeç, por edhe për shkak se ishte një rast i përsëritur nga të rallët në botë.

Akutalisht flitet që në botë janë 5 apo 10 raste personash që iu është rikthyer Covid dhe një nga këta raste është edhe Andi Përmeti i cili në fillimin e verës ka kaluar prekjen e parë nga Covid-19 në një mënyrë normale pa shumë pasoja, por disa javë më parë ai sërish është prekur nga virusi i padukshëm, i cili këtë herë i ka rrezikuar jetën. Përmeti ka kaluar në një gjendje të rëndë, në një mjekim intensiv dhe një dëmtim të mushkërive deri ne 80%, por ai ka mundur ta fitojë këtë betejë falë kujdesit të mjekëve dhe një kurimi më të specializuar, pikërishtë për faktin sepse ishte një rast i veçantë.

Deputeti i Bindjes Demokratike tashmë duket se pas një beteje prej më shumë se një muaji në kurim intensiv, është rikthyer në formën më të mirë. Ka pasur një betejë disa javore në një gjendje shumë të rëndë dhe të agravuar dhe tashmë ndodhet shumë më mirë në një përmirësim të vazhdueshëm dhe pritet që shumë shpejt ai t?i rikthehet jetës së tij aktive.

Ashtu siç e përmendëm edhe me lart, zoti Përmeti përbën një rast tepër të veçantë pikërisht për faktin se Covid i është rithyer dhe në Shqipëri ende nuk ka një rast tjetër si ky i Përmetit, i raportuar zyrtarisht nga strukturat shetërore të Shëndetit./CNA.al





Lajmet e fundit nga