web counter
LEXO PA REKLAMA!

SHKARKO APP

App Store
Google Play

E fundit!

x

Nga Edvin Kulluri/ Pse Ramën nuk e ndihmon dot Basha për të fituar shqiptarët!

19 Nëntor 2020, 08:38, Opinione CNA

Në 30 vjet demokraci të brishtë shqiptare, është hera e parë që një mazhorancë mund të marrë mandatin e tretë qeverisës. Për shkak të dobësisë morale, strukturore si pasojë e përcarjes dhe përfaqësimit të dobët politik të opozitës, Rama ka më shumë mundësi të fitojë se të humbë në 25 prill. E kjo nuk nuk shkel asnjë rregull historik të rënies nga pushteti pas 8-vitesh, pasi nuk ekziston asnjë i tillë përvecse në pasionet e leadershpit të opozitës apo militantëve të rrudhur të saj. Rastet e CDU gjermane, Orbanit në Hungari apo konservatorëve anglezë, tregojnë se mund të qëndrohet në pushtet më shumë se 2 mandate.

Cështja është a e meriton Rama të fitojë mandatin e 3-të apo jo në raport me qytetarët? Pra a vlen një firore e ligjshme përballë një fitoreje jo legjitime? Pasi të fitosh me Bashën mund të jetë e lehtë për Ramën por e dëmshme për shqiptarët. Garën qeveritë duhet ta fitojnë me premtimet e moralin e vet e jo me një kundërshar të dobët. Kjo nuk e bën kryeminstër të mirë por vetëm një politikan më të zotin se kundërshtari. Kjo e dyta nuk mjafton. Nuk do shumë kujtesë e mend për të kuptuar se bilanci i qeverisjes Rama është shumë larg të qënit i suksesshëm në raport me premtimet e 2013.

Jo vetëm kaq, por mjafton të shohësh sesi ka menaxhuar rindërtimin e shkatërrimit të tërmetit të 26 nëntorit të vjetshëm, për të kuptuar se hapësira mes premtimeve të Ramës e bilancit real është një humnerë e thellë. Rritja galopante e borxhit public krahasuar me qeverinë paraardhëse, standartet e prishura të zgjedhjeve, katastrofa e hashashizimit, 300 mijë vendet e munguara të punës, mos-certifikimi i tokave bujqësore, rritja e subvencioneve vetëm për grosistët e jo për fermerët apo përralla e shëndetësisë falas me taksat e shqiptarëve që shkojnë tek PPP në shëndetësi, janë vetëm disa nga dështimet ?shkelqyese?të Ramës.

E po të shtojmë cështjen e inceneratorëve që po djegin më shumë paratë e shiptarëve sesa plehrat, kuptohet se morali I fabulës qverisëse është më i lidhur me skandale sesa me suksese. I vetmi sukses mund të jenë investimet në qëndrat urbane, por që janë shumë pak për sa ka premtua apo angazhuar 7 vite më parë, kur prezantoi ?Rilindjen? si shpetim për Shqipërinë e rrënuar në fantazinë e tij dhe ndjekësve të vet. Ata ndjekës që mendonin se ?Shqipëria c?ka qënë, c?është e c?do të bëhet?, e kish shkruajtur Niko Peleshi e jo Sami Frasheri.

Mazhoranca pas 7 vitesh është në të drejtën e saj të kërkojë një mandate të 3-të qeverisës, por cështja është a e meriton apo jo?

Këtë marrëdhënie Rama e ?rilindasit? e keqkuptuar me Samiun, Naimin e Abdylin e kanë me pushtetin, opozitën apo qytetarët?

Me këta të fundit marrëdheia është zhgënjim aq i madh saqë në cdo sondazh zhgënjimi me elitën politike kap shifrat e thuajse 50% të të anketuarve. Kjo do të thotë se vetëm dicka mbi 25% e shqiptarëve janë të kënaqur me bilancin e qeverisjes. Një përqindje kaq e ulët besimi dhe pjesëmarjeje në zgjedhjet e 25 prillit nuk e legjitimon një mandate të 3-të. Perkundrazi! Demokracia perëndimore sic e njohim, bazohet mbi disa parime që përbejnë shtyllat morale të vetë sistemit. Mungesa e llogaridhënies, mbajtjes së premtimeve dhe e përgjegjësisë nuk mund të fshihen pas garës elektorale me kundërshtarin. Gara është procedurë, morali është thelbi i një sistemi të drejtë. Dhe gara në këto kushte është përballë angazhimit ndaj qytetarëve që të kanë votuar pro, kundër apo abstenuar. Qeveria ka detyrim ndaj të gjithë qytetarëve e jo vetëm militantëve të PS. Perderisa premtimet e 2013 nuk janë mbajtur, gara me të vërtetën dhe moralin politik është e humbur.

Ndaj 25 prilli nuk është vecse një betëjë mes Ramës e Bashës, pasi kjo është cështje e fatit të tyre politik dhe ndjekësve të tyre. Shqipëria është shumë e madhe dhe më e ndershme se këta të tre. Gara duhet të jetë bilanc qeverisës dhe jo paradë gënjeshtrash apo talljesh me Bashën, pavarësisht se ky i fundit e ka bërë veten të tallesh e të vësh duart në kokë për dështimet 7-vjecare në krye të opozitës.

Një kryeministër si Rama që thotë ?se ka ndërtuar edhe rrugën e kombit? e tejkalon me disafish deklaratën komike të Bashës për ?fitore më 85%? në zgjedhjet lokale të 30 qershorit të vitit të shkuar, ku i dorëzoi PS në tavolinë 61 bashki. Fushata se kush gënjën më shumë nuk është ofertë elektorale por papërgjegjshmëri totale. Ndaj një fitore ndaj Bashës nuk është fitore e Shqipërisë dhe e qeverisjes së mirë, por fitore për një karrige kryeministri. Gara për të fituar ?tepsia? por jo shqiptarët është një garë e parëndësishme për interesin publik./CNA.al





Lajmet e fundit nga