web counter
LEXO PA REKLAMA!

SHKARKO APP

App Store
Google Play

E fundit!

x

Covid-19/ Dasho tregon "gabimet trashanike", thirrje bluzave të bardha: Ndani mendjen se kujt do t'i shërbeni

17 Nëntor 2020, 08:39, Lifestyle CNA

Eksperti i Shëndetit Publik, Erion Dasho, thotë se pas nëntë muajsh pandemie në Shqipëri, më së fundi u bë publik një protokoll, ai i trajtimit të pacientit me COVID nga mjeku j familjes.

Dasho ka sqaruar gabimet që bëhen në ekzaminimet që rekomandohen, ndëra e quan të pakuptimtë rekomandimin e skanerit nga mjeku i familjes

Ai thekson se ajo që është totalisht e papranueshme në këtë protokoll është rekomandimi i medikamenteve me emrin e tyre komercial.

Më tej Dasho thekson se nëse përmend emrin komercial të një medikamenti, është njëlloj sikur të shtysh mjekët dhe pacientët të mbushin me duart e tyre xhepat dhe llogaritë bankare të kësaj kompanie.

?Kush po fiton nga protokollet?!
Pas nëntë muajsh pandemie në Shqipëri, më së fundi u bë publik një protokoll, ai i trajtimit të pacientit me COVID nga mjeku j familjes.
Kur e sheh, kupton më mirë se përse mbahet sekret gjithçka brenda sistemit shëndetësor. Në më pak se pesë faqe, nuk kalon faqe pa gjetur një gabim trashanik.
Do të merrem në një analizë më të hollësishme me gabimet në ekzaminimet që rekomandohen (i pakuptimtë rekomandimi i skanerit nga mjeku i familjes), format e medikamenteve që rekomandohen (antikoagulantët oralë), madje edhe medikamentet e gabuara (kombinime antibiotikësh që të dhënë së bashku nuk kanë asnjë efekt, madje mund të shkaktojnë edhe dëm), etj.
Por ajo që është totalisht e papranueshme në këtë protokoll është rekomandimi i medikamenteve me emrin e tyre komercial!!!
Kush është “italiani” i interesuar që Tachipirina italiane të përmendet në protokoll e shoqëruar me cilësimin “për të patur efekt më të shpejtë, paracetamoli duhet të jetë në formën eferveshente si Tachipirina”?!
Në mënyrë të ngjashme përmenden edhe emra të tjera markash komerciale, një praktikë e paligjshme që nuk ndodh më as në vendet më të prapambetura të botës.
Në se përmend emrin komercial të një medikamenti (emrin që e përdor në mënyrë ekskluzive kompania që e prodhon atë), është njëlloj sikur të shtysh mjekët dhe pacientët të mbushin me duart e tyre xhepat dhe llogaritë bankare të kësaj kompanie.
Çdo qytetar mund të imagjinojë se për çfarë shumash flitet në rastin e një medikamenti kaq të përdorshëm sa paracetamoli!!!
Të nderuar komitetsa,
Ka ardhur koha të ndani mendjen se kujt do t’i shërbeni: politikës, oligarkëve, firmave farmaceutike apo qytetarit!
Bluza e bardhë sot peshon! Mos e shpërdoroni atë…?, shkruan Dasho në një postim në rrjetet sociale./CNA.al





Lajmet e fundit nga