web counter
LEXO PA REKLAMA!

SHKARKO APP

App Store
Google Play

“Në Shqipëri nuk ka pasur krime lufte”/ Balla: Basha ka punuar për hetimin e UÇK

12 Nëntor 2020, 12:18, Politikë CNA

Kreu i grupit parlamentar të PS-së, Taulant Balla ka folur sërish për komisionin e posaçëm që do të shqyrtojë raportin e Dick Marty-t.

Balla u shpreh që delegacioni shqiptar në Evropë i asaj kohe ka qenë i ndarë pasi PD ka votuar pro atij raporti dhe PS-ja kundër. Ai shton se në Shqipëri nuk kanë ndodhur krime lufte dhe kërkon që Basha të ndahet kësaj herë nga Sali Berisha pasi ai është njohës i mirë i hetimeve pasi ka punuar në zyrat që kanë hetuar.

?Siç dhe ju e keni publikuar, delegacioni shqiptar në BE ka qenë i ndarë. Përfaqësuesi i mazhorancës së asaj kohe ka votuar pro raportit ndërkohë që opozita e asaj kohe ka votuar kundër. 

Në Shqipëri janë bërë verifikime nga institucione shqiptare. Është në dinjitetin e Shqipërisë që çdo dëshmi që hedh poshtë dyshime që në Shqipëri në Kukës e Has ka pasur baza në të cilën janë kryer krime.

Askush të mos marrë përsipër të hartojë raporte për krime që gjoja mund të kenë ndodhur në Shqipëri. Shqipëria ka qenë vend pritës për më shumë se 1 milion shqiptarë të shpërnguler. Në Shqipëri nuk kanë ndodhur krime lufte siç pretendohet në atë raport.
Basha dhe Berisha duhet të kërkojnë falje që kanë votuar atë raport monstruoz. Basha të paktën për këtë çështje duhet të ndahet nga Berisha të paktën për këtë çështje. Shqiptarët nuk kanë kryer kurrë krime lufte.

Një dëshmitar nga Krusha, Milaim Bellanica ia ka dorëzuar kasetën me pamje filmike, Lulzim Bashës. Lulzim Basha ka plot elemntë që nuk është përgjigjur. Ai ka punuar në zyrën e hetimit të krimeve të UÇK.

Akuzave të paqenë i shtohet dhe balta dhe pisllëku i Sali Berishës. Basha është njohës i mirë i këtyre hetimeve se ka punuar për institucionet që kanë hetuar.”, tha Balla./CNA.al





Lajmet e fundit nga