Meta çon në SPAK ligjin për Metrologjinë/ Nisni menjëherë hetimet

12 Nëntor 2020, 15:08, Politikë CNA

Disa ditë pasi ktheu ligjin për Metrologjinë në Kuvend, Meta ka vënë në dijeni edhe SPAK-un në lidhje me shkeljet e konstatuara në të.

Meta kërkon një hetim të plotë për këtë ligj pasi sipas tij është me përmbajtje të lartë antikushtetutshmërie, me parashikime në shkelje flagrante të parimeve themelore kushtetuese të funksionimit të tregut të lirë dhe konkurrues.

Meta thekson më tej se ligji duket se synon të ligjërojë një skemë për qëllime klienteliste, në dhënien me koncesion të shërbimit shtetëror tek subjekte privat, në mënyrë të pakontrolluar, dhe pa negociuar asnjë kusht për mbrojtjen e interesit shtetëror.

Ndër të tjera, Presidentin arsyeton:

Ky ligj:

? shmang konkurrencën e lirë;
? dëmton interesin publik;
? cenon interesat e shtetasve dhe të konsumatorit;
? cenon financiat publike;
? krijon shteg për abuzim me të drejtat e konsumatorit në tërësi;
? mbart rrezikun e prodhimit të kostove shtesë për një shërbim që duhet të kryhej nga shteti;
? ligjëron ekskluzivitetin e ushtrimit të shërbimeve publike nga subjekte të caktuar privatë duke krijuar vetë ligjvënësi monopole, në cenim të tregut të lirë e konkurrues;
? është tregues se si ligjvënsi nuk ushtron më veprimtarinë dhe vendimmarrjen në mbrojtje të interesit publik, por është orientuar në mbrojtje të një pakice subjektesh private.

E thënë thjesht, ky ligj, nisur nga përmbajtja evazive e dispozitave që lidhen me dhënien e autorizimeve dhe mungesës së qëllimshme të mekanizmave kontrollues, krijon bindjen tek publiku, e jo vetëm te Presidenti i Republikës, se de facto i hapet rruga dhënies së të drejtave koncesionare të tjera, në mënyrë të fshehtë, në shkelje flagrante të procedurës konkurruese sipas legjislacionit në fuqi.

Pra, përmes këtij ligji sipas përmbajtjes së miratuar, nga nesër çdo shërbim që kërkon certifikimin metrologjik, mund të jepet me koncesion pa garë, por thjesht dhe vetëm me firmën e një drejtori.

Përmes ligjit për metrologjinë, synohet që paligjshmërisë dhe abuzimit t`i sigurohet mbrojtje ligjore.

NJOFTIM SPAK PER METROLOGJINE