web counter
LEXO PA REKLAMA!

SHKARKO APP

App Store
Google Play

Rritja e rasteve me Covid/ Kosova prezanton masat e reja kufizuese

11 Nëntor 2020, 11:57, Kosova & Bota CNA

Rritja e rasteve të reja me koronavirus në Kosovë ka bërë që të hyjnë në fuqi masa të reja kufizuese për të parandaluar përhapjen e pandemisë.

Kryeministri Avdullah Hoti ka prezantuar masat e reja kufizuese që do të ndërmerren për shkak të rritjes së rasteve me coronavirus, duke shtuar se komunat janë ndarë në tri grupe.

?Kemi përgatitur draft vendimin, që do të shkojë në Qeveri për votim. Kemi ndërmarrë masa që vlejnë në tërë territorin e Kosovës, duhet të kemi kontrolle në kufi, hyrje dhe dalje. Kemi vendos që Arsimi i lartë të kalojë plotësisht online, ndërsa parauniveristar vlen manuali që e kemi bërë më herët. Kemi vendosur që të kthehen ekipet kufitare që të bënë matjen e temperaturës në kufi. Të kthehen shtabet emergjente në komuna. Kemi rregulluar funksionimin për sektorin e ekonomisë në gjithë Kosovën. Lejohet sektori i bujqësisë, transporti, prodhimi. Këto janë masa për tërë territorin.

Grupi i dytë i masave, është sipas kategorizimit të komunave sipas numrit të personave të infektuar. Komuna me rrezik të ulët, kemi lejuar operatorët ekonomi të punojnë nga ora 05:00 deri në 20:00, kemi rregulluar transportin publik. Kemi rregulluar edhe veprimtarinë e qendrave tregtare deri në ora 20:00, pastaj opsioni merr me vete.

Grupi i dytë me rrezik të mesëm: punojnë nga ora 05:00 deri në 18:00, gastronomia po ashtu deri në orën 18:00. Është rregulluar po ashtu transporti. Qendrat tregtare punojnë deri në ora 18:00.

Grupi i tretë me shtatë komuna, nga ora 19:00 mbyllet cdo aktivitet dhe do të ketë orë policorë?, tha ai. CNA.al/ 

 





Lajmet e fundit nga