web counter
LEXO PA REKLAMA!

SHKARKO APP

App Store
Google Play

Topalli "shuplakë" Bashës/ Është në pazar me Ramën, i dha pushtet

10 Nëntor 2020, 20:42, Politikë CNA

Drejtuesja e Lëvizjes për Ndryshim, Jozefina Topalli, deklaroi se misioni i opozitarizmit është kompromentuar dhe janë bërë pazare.

Topalli tha se Basha ka bërë njerëzit të mendojnë se është e vështirë të lëvizin kryeministrin Edi Rama nga pushteti.

Ajo kujtoi premtimet e kryetarit të opozitës se do të rrëzojë Edi Ramën dhe theksoi se kjo nuk ka ndodhur.

?Unë besoj se ka një kompromentim të misionit të opozitarizmit në axhenda politike që kanë dërguar në pazare dhe kanë bërë të mendosh se Edi Ramën është e vështirë për ta lëvizur por në fakt nuk është fare e vështirë. Kush fitoi nga çadra? Po mos të ishte pazari i 17 majit sot me shumë mundësi Rama nuk do të ishte kryeministër. 

Premtoi se në djegien e mandateve do ikte Edi Rama, i dogji pa pyetur asnjë njeri, dhe Edi Rama nuk u dorëzua. Premtoi se do rrëzonte Edi Ramën duke mos shkuar në zgjedhje, nuk shkoi dhe Edi Rama nuk u rrëzua, por i dha pushtetin vendor. Kjo opozitë ja ka bërë më të lehtë Ramës qëndrimin në pushtet. Rama ka kontrollin të bëjë çfarë të dojë brenda Parlamentit dhe tani ai është mbret?, nënvizoi ish-kryeparlamentarja në emisionin ?Open?./ CNA.al





Lajmet e fundit nga