E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Faktet-Komisioni "Ruli" votoi kundër Grida Dumës/ Në njësinë 9-të u manipuluan votat

10 Nëntor 2020, 13:49, Politikë CNA

Grida Duma ngelet një personazh politik, kompleks për të cilën shpesh CNA.al ka shkruar dhe raportuar. Jo për hiret e saj me të cilat tërheq jo pak fansa dhe militantë as për çështjet e saj private por për skandalet e saj dhe të fshehtat që një personazh publik kërkon t?i mbajë qytetarëve, megjithëse kërkon të votohet dhe të përfaqësohet por edhe të paguhet nga taksat e tyre.

Pas disa materialeve të publikura gjatë ditëve të kaluara, Grida nuk është përgjigjur ashtu siç ka bërë gjithmonë dhe kurrë nuk ka për tu përgjigjur për ato që janë të vërtetat e saj që ndoshta do t?i kushtojnë karrierën politike. Karrierë të cilën përsa kohë do të paguhet nga taksat e qytetarëve do të duhet t?i japë llogari dhe të thotë të vërtetën.

Sot po sjellim fakte të tjera të ndodhura gati dy javë më parë, me Grida Dumën e cila ka qenë pjesë e procesit të manipulimit dhe falsifikimit të votave në njësinë bashkiake, dega numër nëntë e PD, në kryeqytet.

Sipas burimeve zyrtare të konfirmuara nga CNA.al, Grida Duma fillimisht pas një beteje të ashpër me Arben Ristanin ka dashur që ta djegë këtë të fundit duke kërkuar që ta votojnë sa më shumë kundër për ta larguar. Kështu me një gur vriste dy zogj, së pari Ristanin së dyti shpëtonte veten duke e përqendruar vëmendjen tek i pari.

Në fakt, sipas të dhënave zyrtare, Grida Duma megjithëse është shpallur me vetëm 16 vota kundër ka marrë rreth 65 të tilla, pra gati katër herë më shumë sesa rezultati i shpallur për të në degën 9-të të PD.

Nga ana tjetër CNA.al ka mësuar nga burime zyrtare se fillimisht komisioni “Ruli” e ka skualifikuar Grida Dumën e më pas ajo është rikthyer.

Por çfarë ka ndodhur?

Komisioni “Ruli” ka votuar tre me dy në favor djegien e Grida Dumës ashtu siç kishte ndodhur me shumë personazhe të tjera politike si Luan Baçi, Ervin Salianji e të tjerë. Më pas ka qenë ndërhyrja e fortë e Gazmend Bardhit që ka kërkuar që të rivotohet për Gridën, të shihet pozicioni i saj duke qenë se së pari është anëtare kryesie dhe së dyti për një marrëveshje që është bërë me zgjedhjen e Grida Dumës në kryesi e ndodhur kjo shumë muaj më parë.

Pasi i bënë ato votime, Grida Duma nuk fitoi por fitues ishte Ervin Salianji i cili dha dorëheqjen dhe më pas ishte zonja Duma që zuri vendin e tij. Duke qenë se Salianji ishte tërhequr Gazmend Bardhi ka sjellë argumentin se heqja e të dyve do t?i sillte një problem PD, pasi ata janë një dyshe e pandarë, jo vetëm në politikë. Kjo mund të sillte kosto në këto momente, pra mjaftonte vëtëm largimi i Salianjit.

Më pas është ripërsëritur votimi me kërkesën e Bardhit, me argumentat e dhënë prej tij. Ka qenë Genc Ruli i cili herën e parë kishte votuar pro largimit dhe heqjes së Grida Dumës nga lista dhe herën e dytë ka votuat kundër, pra që Grida të mos largohej nga lista e kandidatëve për deputetë e cila do t?i përcillej kryesisë.

Ajo që ka ndodhur është mjaft e qartë, Grida është votuar kundër me 65 por rezultati është shpallur me 16 vota nga Gazmend Bardhi.
Ka qenë ky i fundit që e ka mbrojtur nga komisioni Ruli-Luli duke e kaluar emrin e saj në kryesi megjithëse ajo në votimin e parë është skualifikuar me tre vota pro për të mos qenë më pjesë e listës.

Tashmë faktet janë publike dhe zonja Duma duke e ditur se mund të ketë arsye të tjera të cilat mund ta përjashtojnë nga lista ka ndërmarrë sërish një fushatë mediatike duke dalë shpesh nëpër televizione për të rikuperuar imazhin e saj sepse është gjithmonë nën frikën dhe panikun se Lulzim Basha do e heqë nga lista ashtu sikundër po bën ky i fundit duke shpërndarë informacione në lidhje me të shkuarën, aktualitetin dhe problematikat e personazhit politik, Grida Duma./CNA.al

Grida Duma, ?lulja e vyshkur? nga skandalet/ Pyetjet pa përgjigje nga vrasja e Santos tek sms-të me Salianjin

Skandalet pa përgjigje të Grida Dumës/ Nga lidhja me Artan Santon tek videot si G.D

Plas në PD-në e Tiranës/ Grida Duma vërsulet kundër Ristanit