web counter
LEXO PA REKLAMA!

SHKARKO APP

App Store
Google Play

E fundit!

x

Klodian Tomorri i kërkon llogari qeverisë/ Në spitalet publike ndodh katastrofë

10 Nëntor 2020, 17:46, Politikë CNA

Gazetari Klodian Tomorri i ka kërkuar llogari qeverisë për vetëvrasjet që kanë ndodhur nga të sëmurët me Covid-19, duke marrë shkak nga rasti i sotëm ku një person u hodh nga spitali Infektiv.

Tomorri deklaron se në spitalet publike po ndodh katastrofë, ndërsa kërkon të dijë se përse pacientët e infektuar po shkojnë drejt vetëvrasjes.

Ai thekson se dikush nga qeveria duhet të japë shpjegime për këtë gjë dhe duhet të bëhen hetime.

“Nëse një shqiptar i infektuar me virus shkon të kurohet në spitalet publike, probabiliteti që ai të kryejë vetëvrasje rritet me 100 fish nga norma mesatare.

Sipas të dhënave zyrtare, Shqipëria ka mesatarisht 2.3 vetëvrasje për 100 mijë banorë. Por tek të infektuarit me Covid në spitalet publike ndodh katastrofë.

Që nga fillimi i pandemisë në spitalet publike mund të jenë kuruar në rastin më të mire 2-3 mijë vetë. Nga këta, 4 vetë kanë vrarë ose tentuar të vrasin veten. Pra normë vetëvrasje 2 për mijë ose 100 herë më shumë se sa mesatarja. Nëse llogaritë bëhen me pacientët që shkojnë në reanimacion atëherë norma e vetëvrasjeve rritet me 1 mijë herë nga mesatarja.

Tani dikush në qeveri të japë shpjegime për këtë punë. Pse pacientet me Covid në spitalet publike kanë këtë prirje për të vrarë veten? Nëse është virusi që shkakton çrregullime mendore, atëherë natyrshëm lind pyetja pse nuk ndodh e njëjta gjë edhe në spitalet private apo në spitalet jashtë shtetit?

Askush në qeveri nuk po e vret mendjen fare që ta zgjidhë këtë. Por nëse qeveria përton të merret me këtë punë, ka prokurori. Këtu duhet hetuar. Pse vetëvriten njerëzit në spitalet publike?”, shkruan gazetari në rrjetet sociale./ CNA.al





Lajmet e fundit nga