web counter
LEXO PA REKLAMA!

SHKARKO APP

App Store
Google Play

Zbardhet axhenda/ Majlinda Bregu hap Samitin e Sofjes në krah të Merkel

7 Nëntor 2020, 13:09, Aktualitet CNA

Zbardhet axhenda e samitit të Sofjes, i cili do të zhvillohet të martën në 10 nëntor dhe do të drejtohet nga Bullgaria e Maqedonia e Veriut.

Në orën 11-11:10 do të jetë hapja e samitit që mbahet në kuadër të Procesit të Berlinit nga treshja që është e  përbërë nga Kancelarja gjermane Angela Merkel, Sekretarja e Përgjithshme e Këshillit për Bashkëpunimin Rajonal Majlinda Bregu ( gjatë 2 viteve të fundit RCC është një prej institucioneve më të rëndësishme në rajon) dhe Komisioneri për Zgjerimin Olivér Várhelyi.

Në seancën plenare që nis në orën 11.25 minuta dhe ku diskutohet Tregu i Përbashkët Rajonal do të flasin të gjithë krerët e delegacioneve, pjesë e procesit të Berlinit. Këto diskutime do të zgjasin deri në orën 13:25.

Nga ora 13:25 deri në orën 13:30 do të jetë ceremonia e nënshkrimit në transmetim të drejtpërdrejtë për Deklaratat e Procesit të Berlinit nga drejtuesit e WB6.

Ndërsa në orën 13:30 deri në orën 13:40 do të jenë konkluzionet, të cilat do të prazantohen nga kancelarja gjermane Angela Merkel, kryeministri i Maqedonisë së Veriut Zaro Zaev dhe kryeministri i Bullgarisë Boyko Borisov.

Në orën 13:45 deri në orën 14:00 do të ketë një konferencë për shtyp.

Kryeministri Edi Rama mësohet se do të mbajë fjalën e tij pas Presidentit francez Emanuel Macron dhe Presidentit të Malit të Zi, Gjukanovic.

Vendimi më i rëndësishëm i këtij samiti është krijimi i Tregut të Përbashkët rajonal. CNA.al/





Lajmet e fundit nga