web counter
LEXO PA REKLAMA!

SHKARKO APP

App Store
Google Play

Shpallet sërish në kërkim babai i deputetit

7 Nëntor 2020, 09:49, Aktualitet CNA

Policia e Beratit ka shpallur në kërkim 61-vjeçarin Selim Qama, babain e deputetit Klajdi Qama, në vazhdën e goditjes së veprimtarisë së paligjshme të nxjerrjes së pllakave të gurit në Malin e Tomorit.

Policia ka njoftuar sot se ka filluar procedimin penal ndaj shtetasit A. B, 34 vjeç, me arrest shtëpie në Poliçan, administrator i subjektit Arseo sh.p.k si dhe ka shpallur në kërkim 61 vjeçarin Selim Qama, me banim në Tiranë si administrator i subjektit Klerajdi sh.p.k.
Gjatë kontrollit të ushtruar në subjektet e këtyre shtetasve u gjetën pllaka guri dekorative, të cilat dyshohet se janë nxjerrë në mënyrë të kundërligjëshme në

Malin e Tomorit, zonë e shpallur “Park Kombëtar”, duke dëmtuar habitatin natyror të zonës së mbrojtur. Gjithashtu, në subjektin me administrator shtetasin A. B. janë konstatur dhe dy punonjës të pasiguruar.

Materialet u referuan në Prokurorinë pranë Gjykatës së Shkallës së Parë Berat, për veprat penale “Dëmtim i habitateve në zonat e mbrojtura mjedisore”, “Fshehja e të ardhurave” dhe? Punësim i paligjshëm”.

Tre muaj më parë, Policia  njoftoi se kishte shpallur në kërkim Selim Qamën, babain e deputetit Klajdi Qama, pasi firma e tij ?KLERAJDI SHPK? nxirrte pllaka dekorative nga Mali i Tomorrit, duke shkatërruar Parkun Kombëtar.

Mesa duket, Policia  nuk ka arrestuar dot 61 vjeçarin , i cili ka vazhduar punën e tij “pa u shqetësuar” nga policia./CNA.al





Lajmet e fundit nga