web counter
LEXO PA REKLAMA!

SHKARKO APP

App Store
Google Play

“Rama po pengon integrimin e vendit në BE”/ Mediu bën gafën me datën e zgjedhjeve

7 Nëntor 2020, 12:15, Aktualitet CNA

Kreu i Partisë Republikane, Fatmir Mediu zhvilloi sot një takim me strukturat në Kamëz. Në fjalën e tij, Mediu vuri në dukje se fatin tonë e kemi vetë në dorë, duke shtuar se është koha për tu bashkuar dhe ngritur kundër keti regjimi të korruptuar, antishqiptar dhe antieuropian.

Më tej, Mediu akuzoi Ramën se po pengon integrimin e vendit në BE. Mediu tha se tentativa për manipulim votash është e pafalshme për cdo politikan.

?Ajo që është akoma edhe më e rëndë në situatën e sotme, përveç varfërisë dhe problemet me sigurinë e jetës, është që Edi Rama na është vendosur përballë në një nga qëllimet tona më të mëdha historike, është bërë pengesa e të gjithë shqiptarëve për tu bërë pjesë e BE.

 Edi Rama në mënyrë të qëllimshme po e largon Shqipërinë nga BE, sepse BE do të thotë standarde, shtet, insitucione, do të thotë ligje të drejta, kurse Rama nuk është i interesuar për shtet, sepse e ka shkatërruar atë, nuk është i interesuar për institucione, sepse për të nuk ekziston institucion përvec interesit të tij, nuk është i interesuar për qytetarët sepse po të ishte, do të kishte së paku një brejtje të vogël ndërgjegje për largimin masiv të qindra të rinjve e të rejave, profesionistëve të këtij vendi, pjesën më aktive të shoqërisë e cila është larguar jo thjesht në emigracion, por për shkak të mungesës së shpresës dhe besimit këtu në Shqipëri?, tha Mediu.

 Por as Mediu nuk i shpëtoi dot lapsuseve.

“Është shumë e rëndësishme që 25 Qershorin ta shohim si një moment të rëndësishëm për veten tonë në rradhë të parë, se cdo gjë që bëjmë, e bëjmë për familjen tonë, për vendin tonë?, tha Mediu, duke ngatërruar 25 prillin me 25 Qershorin.

Të njëjtën ngatërresë e bëri edhe kreu i demokratëve disa ditë më parë. CNA.al/ 

 

 

 





Lajmet e fundit nga