Skandali/ Etlida Gjonaj, bën avokaten e noteres së kapur në falsifikim

5 Tetor 2020, 13:10, Aktualitet CNA

CNA.al prej kohësh ka publikuar një investigim të plotë në lidhje me pasuritë marramendëse të ish-deputetit të kthyer në menaxher medie, Ben Blushi.(Lexo këtu)

Gjatë investigimit të pasurisë së Ben Blushit, CNA.al zbuloi edhe një skandal, që lidhet me blerjen e një pasurie në qendër të qytetit të Korçës, me vlerë rreth 500 milionë lekë, por e deklaruar nga Ben Blushi, për vetëm 30 mijë euro.

Ashtu sikurse vetë Ben Blushi e ka shkruar në deklaratën e tij të pasurisë, pranë institucioneve shtetërore, prona në fjalë është blerë nga ai, për vajzën e tij Natali Blushi.

Më tej, CNA.al tregoi me dokumente zyrtare dhe ekskluzive se firma e Natali Blushit, në dokumentin e shit-blerjes së pronës, është falsifikuar, pasi në atë kohë ajo nuk ndodhej në Shqipëri, kjo e vërtetuar edhe nga të dhënat e sistemit TIMS. (Lexo këtu)

Investigimi i CNA.al ka zbuluar se në prani të noteres Violeta Sulkaj në 28 dhe në 29 maj 2015 janë përpiluar dhe firmosur dy kontrata, në emër të Natali Blushit, ndërsa kjo e fundit ndodhej në Londër, asokohe vetëm 20 vjeç.

Në 25 gusht 2020, burime zyrtare nga Ministria e Drejtësisë i thanë CNA.al se ka filluar hetimi administrativ ndaj noteres Violeta Sulkaj dhe ashtu siç e parashikon ligji, do të bëhet verifikimi i plotë i denoncimit të bërë nga CNA.al në lidhje me noteren dhe më pas do të ndiqen të gjitha hapat ligjorë.

Por, tashmë ka kaluar më shumë se një muaj dhe ende nuk ka asnjë masë, ndaj noteres së kapur në skandal.

Ministrja e Drejtësisë, Etlida Gjonaj, në vend që të zbatojë ligjin, duket se po bën avokatinë e noteres, Violeta Sulkaj, e cila është kapur në falsifikim.

Kujtojmë këtu se në bazë të ligjit për noterinë, ministria e Drejtësisë duhej të ngrinte një komision që duhet të hetojë noteren, e cila ka kryer një vepër penale vite më parë, dhe i takon këtij komisioni të vendosë për fatin e licencës së saj.

Tashmë ministria e Drejtësisë dhe organet pranë këtij institucioni duhet të dalin dhe të mbajnë një qëndrim publik, në lidhje me skandalin në fjalë./ CNA.al

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Skandali/ Etilda Gjonaj fut ?nën sqetull? noteren falsifikatore

Skandali me noteren falsifikatore/ Kush e bleu heshtjen e Etilda Gjonajt dhe sa ka kushtuar

Ekskluzive/ Ministria e Drejtësisë fillon hetimin ndaj noteres së Ben Blushit

Ekskluzive-Zbulohet gazetari oligark që ia kalon edhe Alfred Pezës

Ekskluzive-Skandali me falsifikimin/ Kallëzohet penalisht vajza e Ben Blushit dhe noterja Violeta Sulkaj