web counter
LEXO PA REKLAMA!

SHKARKO APP

App Store
Google Play

E fundit!

x

Naftëtarët në grevë urie/ Klodian Tomorri: Të mbyllet rafineria, po skllavërohen punëtorët

30 Shtator 2020, 20:51, Aktualitet CNA

Gazetari dhe eksperti i ekonomisë, Klodian Tomorri, ka kërkuar mbrëmjen e sotme të mbyllet rafineria e Ballshit.

Duke marrë shkas nga protestat dhe greva e urisë së naftëtarëve, Tomorri thotë se mbyllja e rafinerisë do të ishte zgjidhja më e mirë.

Ai deklaroi në Ora News se Armo po keqpërdor dhe skllavëron punëtorët.

?Në këtë situatë, ku një kompani vjen dhe krijon borxhe, zgjidhja do ishte mbyllja përfundimisht e rafinerisë, dhe trajtimi i punonjësve me një skemë sociale, si të gjithë punonjësit e kompanive shtetërore që janë mbyllur pas komunizmit. Ne nuk mund të vazhdojmë ta mbajmë më Armo-n, sepse punëtorët keqpërdoren dhe skllavërohen nga kompanitë që i marrin në punë dhe i lenë pa paguar. Sa herë rafineria hapet, shqiptarët vidhen. Mjaftonte vetëm ajo vjedhje që ndodhi dy vjet më parë, këta punëtorë do paguheshin për 8 vjet?, u shpreh gazetari.

Më tej, Tomorri theksoi se: ?Dy vjet më parë, kompania e rradhës që mori në adminsitrim Armo-n, la 60 milionë euro borxhe. Vetëm me këto para, do mjaftonin që të mbanin të gjithë punonjësit me rroga, për 8 vite pa punuar fare. Imagjinoni se çfarë ndodh në atë kompani.?/ CNA.al





Lajmet e fundit nga