web counter
LEXO PA REKLAMA!

SHKARKO APP

App Store
Google Play

Nga Bledi Mane/ Një grua bërtet rrugëve të Tiranës

1 Tetor 2020, 14:46, Aktualitet CNA

***
Fëshfëritja e gjetheve të tetorit shtangu, të paktët zogj të vjeshtës ngjirën cicërimat, trafiku i rënduar i metropolit fiku semaforët, mileti hoqi maskat nga goja dhe hapi veshët.
Në oborrin ballor të Gjykatës një ish gjykatëse ulëriste, bërtiste, çirej, shante, ofendonte, denonconte, kërcënonte dhe kërkonte drejtësi për prangat e hedhura në duart e burrit të saj, për prangat e hedhura në duart e saj. I kapën të dy burrë e grua jo me presh në duar por me 6 mijë euro teksa liruan një trafikant nga burgu…

Mimoza Margjekajn para 30 vjetësh e zbriti nga Bjekshkët në Tiranë familja e sa me dëshirën e mirë për ta qytetëruar e për ta arsimuar. Pasi u diplomua, nuk u besoi aftësive por iu dorëzua e tëra partisë dhe tribalizmit. U vu në shërbim të një kauze hakmarrëse dhe aspak profesionale, e yshtur dhe e injektuar prej militantizmit politik krahinor. 25 vjet rresht së bashku me sivëllezërit e saj renegatë prokurorë e gjykatës na neveritën drejtësinë dhe na shkërdhyen liritë, pronat, pafajësinë tonë. Poshtëruan kod moral, familjar, social, penal derisa një ditë laku u ngushtua dhe një e nga një po shkojnë në gijotinën që ngritën për ne. Të tredhur e të trembur për fundin e pashmangshëm, ulërasin e bërtasin për pafajësinë e tyre të supozuar dhe kërkojnë ndihmë te ne qytetarët apo gazetarët. Klithamt e tyre i dëgjojmë të gjithë por askush nuk vrapon ti ndihmojë “mimozat” e vyshkura të drejtësisë shqiptare.

E teksa dëgjojmë çdo dy javë gjykatësen e korruptuar Mimoza Margjekaj tek ulëret me nje tonalitet zëri të llahtarshëm, më kujtohet yjneri që nxorri nga goja ministri i turizmit Blendi Klosi:
-Kujdes nga volumi i lartë i zërit se shpërndan dhe përhap covidin…





Lajmet e fundit nga