web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i rregullave të tenderit gjatë rrugës/ SPAK të hetojë blerjen e mobiljeve për zyrat e veta

4 Tetor 2020, 10:41, Politikë CNA

Ditën e djeshme CNA.al publikoi mega-skandalin ku është përfshirë Ministria e Brendshme, i cili ka të bëjë me tenderin për blerjen e mobiljeve për Byronë Kombëtare të Hetimit BKH dhe Strukturën e Posaçme Kundër Krimit të Organizuar dhe Korrupsionit, e njohur si SPAK.

Bëhet fjalë për një tender 614 milionë lekë të vjetra nga Ministria e Brendshme për Strukturën Antikorrupsion. Gjatë investigimit CNA.al ka zbuluar se zyrtarët e lartë të ministrisë së Brendshme kanë dashur të paravendosin fituesin dhe gjithçka ka filluar, pas shpalljes së tenderit në datën 27 korrik 2020.

Sipas të dhënave zyrtare, tenderi është publikuar dhe pastaj pa asnjë ankesë, pa asnjë kërkesë, pa asnjë argument, janë shtuar kritere të reja.
Disa çertifikata, të cilat ngrenë të gjitha dyshimet se janë një element që mund t?i plotësojë kompania që kanë dashur zyrtarët e ministrisë së Brendshme, të fitojë tenderin.

Ky është një skandal i padëgjuar më parë, ku shpallet tenderi, bëhet publik dhe më pas zyrtarët e institucionit, në atë kohë Sekretari i Përgjithshëm Plarent Ndreca, ndërhyn me një shtojcë, duke ndryshuar rregullat rrugës, duke thënë se tenderi është shpallur në filan datë, por shtojmë edhe këto kritere dhe po shtyjmë edhe disa ditë tenderin. Ajo që e bën edhe më të thellë këtë skandal është fakti që ka të bëjë me tenderin për blerjen e dollapeve, tavolinave dhe karrigeve, për zyrat e SPAK dhe BKH, dy institucione që pretendohet se do luftojnë korrupsionin.

Tashmë SPAK duhet të hetojë këtë mega-skandal që lidhet me blerjen e mobiljeve për zyrat e veta. Ky është momenti, kur të paktën institucioni që do të luftojë korrupsionin në Shqipëri ta fillojë nga mobiljet e zyrës së tij./CNA.al

Ekskluzive-Mega-skandali në Ministrinë e Brendshme/ Abuzime me tenderin 600 milionësh të SPAK dhe BKH





Lajmet e fundit nga