E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Do ndodhë para zgjedhjeve të 25 prillit!/ Ngjela tregon me çfarë do përballen politikanët tanë

3 Tetor 2020, 18:33, Politikë CNA

Avokati i njohur Spartak Ngjela ka reaguar përmes një postimi në rrjetet sociale ku shprehet se Shqipëria po shteron nga burimet intelektuale.

Sipas tij, shumë shpejt për këtë do vijë kundërpërgjigjja nga Amerika.

Ngjela ka lënë të nënkuptohet se BKH do fillojë shpejtësisht goditjen penale ndaj politikës së lartë shqiptare dhe shton se disa prej tyre mund të mos jenë më prezent në zgjedhjet politike të vitit 2021.

Gjithçka e turbullt në lidhje me qeverisjen aktuale në Shqipëri.

Nuk ka një ide të qartë për zhvilim ekonomik dhe për ngritjen e mendimit politik shqiptar.

Shqipëria po shteron nga burimet intelektuale, dhe kjo qeveri nuk ka asnjë program për ngritjen e nivelit të shkollës shqiptare.

Qeveria aktuale nuk e koncepton dot që në Tiranë duhet të ngrihet urgjentisht universiteti i nivelit Perëndimor, duke huazuar me pagesa të larta profesorë të mëdhenj nga USA dhe BE e Anglia.

Qeveria aktuale nuk e di se shqiptarët sot paguajnë privatisht në universitetet e Perëndimit, BE-USA, mbi 250 milionë dollarë në vit. Dhe janë mijëra shqiptarë të laureuar nëpër universitetet e BE, USA dhe ata të Anglisë.

Qeveria aktuale kurrë nuk e ngriti një komision të nivelit të lartë shkencor që të kooptojë të lauruarit në Univetsitetet e Perëndimit, për t’i sjellë ata në Shqipëri me paga të larta.

Antiintelektualizmi, një sëmundje që ka filluar në vitin 1945, me tërbimin patologjik Hoxha kundër elitës shqiptare, vijon të jetë prezent, dhe është bërë kangrenë politike për zhvillimin integral të Shqipërisë.

Si rregull, tani është e provuar, se të gjithë kryeministrat shqiptarë në këta 30 vjet, nuk kanë luajtur për intetesin kombëtar.

Është një sëmundje e gjatë tashmë kjo: që pushtuesit e territoreve shqiptare në Ballkanin Perëndimor, kanë blerë kryeministrat shqiptarë, në 100 vjet rresht.

Po tani që politika amerikane po kërkon unifikimin e Botës Shqiptare në Ballkanin Perëndimor, a do t’i ndihmojë FBI dhe CIA shqiptarët për t’ua identifikuar të gjithë këta rrënues të Shqipërisë?

Deri tani kjo është e besueshme, dhe shqiptarët që dinë të mendojnë, po presin Byronë Kombëtare të Hetimit.

Ja, kjo është historia jonë. Por tani na duhet të presim proceset penale antikorrupsion të niveleve të lartë të politikës shqiptare. Dhe për këtë, tashmë është e njohur botërisht se, popullit shqiptar, i është zotuar politika amerikane.

E pra, tani që po ndërtohet BKH, a do të nisë hetimi i vjedhësve pushtetarë të mëdhenj shqiptarë? Dhe a do t’i qëndrojë politika amerikane zotimit të vet para shqiptarëve?

Duhet të kujtohemi për një gjë: nuk është vetëm zotimi amerikan përpara shqiptarëve për reformën antikorrupsion; por është edhe interesi i politikës amerikane që kërkon domosdoshmërisht një shtet shqiptar ligjor dhe të drejtë

Kjo pra është vetë arsyeja e kësaj kohe; interes shqiptar dhe interes amerikan që kanë konverguar në një pikë. Dhe kjo do të jetë shtysa e zhvillimit shqiprar në të gjithë zonën e Ballkanit Perëndimor.

Ne funksion të kësaj, janë këto pyetje që e sqarojnë plotësisht këtë çështje:

A do të zbatohet Kushtetuta e Shqipërisë e rinovuar në vitin 1916?

A do të gjejë politika amerikane dhe FBI individët e duhur si hetuesë në Byronë Kombëtare të Hetimit?

A do ta fillojë BKH shpejtësisht goditjen penale ndaj politikës së lartë shqiptare, në mënyrë që këta vjedhës të korruptuar të mos jenë më prezent në zgjedhjet politike të vitit 2021?

Ja, këto janë pyerjet. Dhe, deri tani, për të gjitha këto pyetje, ka një – Po!/CNA.al