web counter
LEXO PA REKLAMA!

SHKARKO APP

App Store
Google Play

E fundit!

x

Basha nuk kursehet ndaj qeverisë/ Po saboton qëllimisht votën e diasporës

3 Tetor 2020, 15:29, Politikë CNA

Kryetari i Partisë Demokratike Lulzim Basha zhvilloi një takim online me aktivistët e lëvizjes ?Diaspora për Shqipërinë e Lirë?.

Basha deklaron se ishte kënaqësi e veçantë të bashkëbisedonte me shqiptarë të zotë dhe me integritet, të cilët suksesi personal dhe profesional në të katër anët e botës nuk i ka larguar nga përkushtimi ndaj vendit.

Ai tregon se dëgjoi mendimet dhe vizionin e tyre për një Shqipëri demokratike, të zhvilluar dhe të integruar plotësisht në Bashkimin Europian.

Kreu i opozitës thotë se një nga temat që kanë cekur, ka qenë vota e diasporës shqiptare, ndërsa ngre akuzat se qeveria po saboton qëllimisht të drejtën e tyre për të votuar.

?Vlerësova veçanërisht përpjekjen e tyre të drejtë dhe emancipuese për të mundësuar votën e diasporës shqiptare si dhe gatishmërinë për t?u përfshirë në procesin politik, zhvillimin ekonomik dhe ndërtimin e shtetit institucional të së drejtës, që ofron një avantazh shumë të madh për vendin.

Gjatë takimit online me ta, shpreha brengën për sabotimin e qëllimshëm të votës së diasporës nga qeveria në ikje dhe rikonfirmova angazhimin tim personal dhe të Partisë Demokratike që të bëjmë realitet votën e diasporës që në zgjedhjet e para të përgjithshme pas ardhjes tonë në pushtet.

Shqipëria ka nevojë për ta rifituar trurin e emigruar gjatë këtyre 30 viteve dhe koha më e volitshme për këtë është sot?, shkruan Basha në rrjetet sociale./ CNA.al





Lajmet e fundit nga