web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e ministrit serb për “Shqipërinë e madhe”/ Rama i kërkon llogari Vuçiçit: Të ndëshkohet

3 Tetor 2020, 13:03, Politikë CNA

Kryeministri Edi Rama ka reaguar në lidhje me një deklaratë të ministrit serb të Mbrojtjes, Aleksandar Vulin, I cili ka thënë se Rama po përpiqet që të krijojë “Shqipërinë  e Madhe”.

Në një postim në rrjetet sociale, Rama I kërkon ?llogari? presidentit të Serbisë Aleksandër Vuçiç, për deklaratën në fjalë.

Rama i ka bërë tag Vuçiç, ndërsa thekson se shpreson që kjo deklaratë të mos jetë e vërtetë, në të kundërt sipas tij duhet ta ndëshkojë ministrin për këtë shfaqje të mjerë.

“Vuçiç, a është kjo e vërtetë apo është një meme që tallet me trurin e kulluar dhe gojën e ndyrë që e mbajti të gjithë rajonin tonë në errësirë për shekuj? Unë uroj shumë që të jetë një meme, përndryshe kjo do të ishte një shfaqje e dëshpëruar e të menduarit të mjerë që duhet ta dënoni pa asnjë dyshim”, shkruan Rama.

Ndërkohë ministri Vulin ndër të tjera në deklaratën e tij thekson se nuk mund t’i ndalohet serbëve ajo që u lejohet shqiptarëve.

“Duke deklaruar se porti i Durrësit do t’i përkasë Kosovës, Edi Rama vazhdoi me përpjekjet e tij për të krijuar një “Shqipëri të Madhe “. Si gjithmonë, Bashkimi Evropian do të qëndrojë i heshtur dhe nuk do të bëjë asgjë. Shiptarët lejohen të bashkohen dhe të kapin territoret e njerëzve të tjerë, por serbët nuk lejohen të bashkohen as në vendin e tyre.?-shkruan ndër të tjera ministri Serb.





Lajmet e fundit nga