web counter
LEXO PA REKLAMA!

SHKARKO APP

App Store
Google Play

E fundit!

x

Rama “thumboi” Kurtin/ Reagon Vetëvendosja: Je doganieri i Serbisë

2 Tetor 2020, 20:56, Politikë CNA

Përfaqësuesi i Qendrës së Lëvizjes Vetëvendosje në Tiranë, Boiken Abazi ka reaguar pas mbledhjes së përbashkët të dy qeverive, Shqipërisë dhe Kosovës sot në Pallatin e Kongreseve.

Abazi thotë se Edi Rama është kthyer në doganierin e Serbisë.

?Rama, doganieri i Serbisë. Edi Rama na tregoi sot se si Shqipëria do fitojë nga përdorimi i Portit të Durrësit prej Serbisë, dhe se si, sipas tij, këtë e di çdo ekonomist. Në fakt çdo ekonomist me dy pare mend e di që buxheti i shtetit dhe mirëqenia rriten kur rritet prodhimi e punësimi i një vendi. Çdo ekonomist e ka të qartë se Serbia ka ekonominë më të fuqishme në Ballkanin Perëndimor, dhe se Shqipëria ka aktualisht një bilanc tregtar negativ me Serbinë.
Çdo ekonomist e kupton se me hapjen totale të tregut shqiptar ndaj Serbisë ky bilanc negativ do përkeqësohet përmes vërshimit të mallrave serbe në tregun shqiptar, duke goditur sektorët e prodhimit dhe punësimin. Çdo ekonomist e di se Porti i Durrësit në funksion të Serbisë vetëm sa e lehtëson ekspansionin dhe dominimin ekonomik të Serbisë në Kosovë e Shqipëri. Çdo ekonomist e kupton se të ardhurat që do nxjerrë dogana e Portit të Durrësit nga mallrat e Serbisë do jenë kosto që do i faturohet në fund shqiptarëve që do u shkatërrohet potenciali prodhues e punësimi. Mirëpo Rama nuk foli sot si ekonomist por si doganier. Rama foli sot si doganier i Serbisë? shkruan ai.

KryeministriRama gjatë konferencës së përbashkët me homologun kosovar Avdullah Hoti sot thumboi paraardhësin e tij në detyrë Albin Kurti për qëndrimin ndaj Shengenit Rajonal. Rama tha se Kosova tashmë është kthyer në rrugën e duhur të dialogut dhe përkatësisë në partneritet me SHBA dhe BE./CNA.al





Lajmet e fundit nga