web counter
LEXO PA REKLAMA!

SHKARKO APP

App Store
Google Play

E fundit!

x

Rudina Hajdari shkon në Tropojë/ Qyteti po plaket, më dhemb kur…

3 Tetor 2020, 20:05, Politikë CNA

Deputetja Rudina Hajdari, vajza e ish-liderit të lëvizjes Dhjetori ?90, ka shkuar sot në vendlindjen e babait të saj.

Hajdari deklaron se ka takuar me qindra qytetarë dhe ka parë pesimizëm tek ata për situatën në të cilën ndodhet vendi.

Ajo thotë se bizneset e vogla mezi po mbijetojnë, të rinjtë po emigrojnë dhe qyteti po plaket.

Deputetja thekson se turizmi i Tropojës është duke u shkatërruar, ndërsa për këtë bën fajtore të dyja palët politike.

?E dua Tropojën

Jo vetëm sepse këtu i kam rrënjët dhe kujtimet e fëmijërisë, por mbi të gjitha sepse ka njerëz punëtorë e fisnikë dhe një natyrë magjepsëse. Takuam sot me qindra qytetarë dhe teksa jam plot mirënjohje për mbështetjen, më dhemb kur dëgjoj prej tyre pesimizimin për situatën në të cilën jetojnë i cili nuk është pa arsye.

Bizneset e vogla mezi po mbijetojnë dhe shteti jo vetëm nuk i ndihmon por u çon rregullisht taksidarët militantë që duan lekë nën dorë. Turizmi, i cili duhet të ishte prioriteti i çdo qeverie në një vend me natyrë përrallore, është goditur jo vetëm nga pandemia por edhe nga babëzia e cila ka shkatërruar Valbonën duke e futur lumin në tuba e shkatërruar ekosistemin.

Rinia po emigron dhe qyteti po plaket sepse nuk arrin dot më ti bëjë ata ta imagjinojnë jetën këtu. Ata që e kanë shkaktuar këtë, të dyja palët, fajësojnë nga mëngjesi deri në darkë njëri tjetrin por askush nuk ofron zgjidhje.  Nuk kanë faj!

Nuk mund të ofrojë zgjidhje kurrsesi kush e ka shkaktuar problemin. Zgjidhja vjen vetëm nëse e marrim guximin të bashkohemi përtej tyre, së pari për të ndëshkuar babëzinë e mbi të gjitha për t’ia rikthyer shtetin qytetarëve. Kjo po ndodh ndaj edhe ka shpresë. Faleminderit Tropoja”, shkruan ajo në rrjetet sociale./ CNA.al





Lajmet e fundit nga