web counter
LEXO PA REKLAMA!

SHKARKO APP

App Store
Google Play

Hysaj drejt largimit, Napoli merr ofertë nga...

29 Shtator 2020, 17:13, Sport CNA

E ardhmja e Elseid Hysajt te Napoli është ende e paqartë, ndonëse trajneri Rino Gatuzo e sheh mbrojtësin shqiptar si një lojyra titullar në skemat e tij. Futbollisti është në vitin e fundit të kontratës dhe për të kanë filluar të vijnë oferta nga klube të tjera, që duan të sigurojnë shërbimet e lojtarit për sa kohë që ai nuk rinovon me Napolin.

Sipas mediave italiane, sot në klub ka mbërritur një ofertë konkrete nga Rusia. Klubi i Spartak Moskës ka kërkuar shërbimet e kapitenit të Shqipërisë dhe që Napoli ta lërë të lirë pa mbyllur vitin e fundit të kontratës, është gati të paguajë 7 milionë euro për kartonin e tij. Kjo është një shifër e përafërt me atë që pagoi Napoli disa vite më parë për ta marrë nga radhët e Empolit.

Pritet përgjigje nga Napoli, që nuk ka vendosur se çfarë do të bëjë me mbrojtësin për të cilin dy vite më parë refuzoi 50 milionë euro. Asokohe, Mauricio Sarri kërkonte të merrte me vete mbrojtësin te Çelsi por napolitanët e refuzuan një transferim të tillë, duke bllokuar Hysajn në Itali.





Lajmet e fundit nga