web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat e transferimit të Bregut te Teuta, zbulohet rroga që do të përfitojë vlonjati

29 Shtator 2020, 15:18, Sport CNA

Teuta godet në merkato, merr Dejvi Bregun. Nuk ka më dilema për të ardhmen e sulmuesit anësor, pasi prej mbrëmjes së djeshme është bërë zyrtarisht pjesë e durrsakëve. Vlonjati ka nënshkruar një kontratë 1+1 (pra sezonale, por me opsion rinovimi) dhe do të vihet ndoshta prej ditës së sotme nën urdhrat e trajnerit Edi Martini.

Me afrimin tij në ofensivë, ?djemtë e detit? hedhin edhe kandidaturën si pretendentë për titullin kampion. Ai gjen në Durrës jo vetëm Blerim Krasniqin që luante te Skënderbeu, por edhe Albano Aleksin me të cilin ka shkëlqyer te Luftëtari. Kujtojmë që palët ishin në tratativa prej afro 2 javësh, por vetëm dje u arrit akordi përfundimtar.

?Panorama Sport? mëson se 24- vjeçari do të përfitojë një pagë prej 6 mijë eurosh në muaj. Kishte ditë që në Durrës e prisnin në fakt, por gjithçka u vonua pasi ai kishte një opsion në Kroaci. E megjithatë, përfundimisht zgjodhi që të qëndrojë në Kategorinë Superiore dhe të mbrojë ngjyrat e Teutës për sezonin 2020-2021.





Lajmet e fundit nga