web counter
LEXO PA REKLAMA!

SHKARKO APP

App Store
Google Play

Eksodi te Kukësi, Gjici:: Ikën lojtarët që nuk i kishte në plane trajneri, për Nexhipin pyesni…

29 Shtator 2020, 07:45, Sport CNA

Presidenti i Kukësit, Safet Gjici, nuk e bën dramë situatën që po kalon klubi verilindor. Në një prononcim ekskluziv për ?Panorama Sport?, ai sqaron se te Kukësi nuk ka ndodhur asgjë e jashtëzakonshme, por thjesht ndryshime në skuadër sipas ideve të trajnerit Skënder Gega.

Në këto kushte, për largimet e shumta presidenti duket se ia kalon ?topin? numrit një të pankinës. ?Asgjë nuk po ndodh te Kukësi! Ata lojtarë që nuk janë në planet e trajnerit, janë larguar. Flisni me trajnerin dhe klubin??, deklaroi fillimisht presidenti Gjici. Gjithsesi, situata vazhdon të jetë e rënduar në klubin e Kukësit, ku pas shumë largimeve, janë krisur marrëdhëniet e presidentit Gjici dhe drejtorit sportiv Nderim Nexhipi.

Ky i fundit ka qenë kundër kësaj politike të ndjekur nga klubi sa u përket lojtarëve. Gazeta mëson se drejtori ka kërkuar që të ruhet boshti i skuadrës. Ndërkohë, vetë presidenti Gjici, i pyetur për të ardhmen e Nexhipit, ka dribluar duke ia ka deleguar kompetencat administratës së klubit. ?Mos më pyesni më mua, por klubin, sepse aty ka një administratë?, u shpreh shkurtimisht presidenti i klubit nënkampion në fuqi sa i përket Nexhipit.

SITUATA

Kukësi është në hall sa i përket përbërjes së skuadrës, pasi largimet kanë dalë jashtë çdo parashikimi. Kur Skënder Gega mori drejtimin e ekipit, presidenca i premtoi se do të ruanin plotësisht boshtin, ndërsa largimet e sigurta do të ishin vetëm Abazaj dhe Shkurtaj, por nuk po ndodh kështu.

Tashmë drejtuesve u lind nevoja të reformojnë skuadrën, duke ndërtuar një ekip nga fillimi, gjë e cila do jetë shumë e vështirë në një kohë kaq të shkurtër. Ndërkohë, edhe insistimi i klubit pas kërkesës së trajnerit Gega për të mbajtur mbrojtësit Obanor dhe Maliqi rezultoi i kotë, pasi ata u larguan me parametra zero.





Lajmet e fundit nga