web counter
LEXO PA REKLAMA!

SHKARKO APP

App Store
Google Play

Lista e largimeve nuk ka fund, sa shumë lëvizje te Barcelona

29 Shtator 2020, 15:50, Sport CNA

Barcelona deri më tani ka qenë shumë aktive në merkaton në dalje, e ndikuar shumë edhe nga fakti se duhet me patjetër të fitojë para për të mundur të blejë. Janë larguar Artur, Semedo, Rakitiç, Turan, Vidal, Vague dhe Suarez, ndërkohë që lista e daljeve nuk ka përfunduar ende.

Samuel Umtiti pritet të ndërrojë klub këtë verë. Dëmtimet e shpeshta dhe forma e dobët e treguar e bën Barçën të mos besojë te francezi. Ofertat për të nuk janë të shumta, teksa muaj më parë Lacio është shfaqur si opsion. Barça tenton ta huazojë me të drejtë blerje.

Brejthuejt gjithashtu është në listën e të papreferuarve. Megjithatë largimi i tij lidhet ngushtë me ardhjen e një sulmuesi numër ?9? në Barcelonë, që nuk duket aspak në horizont. Rafinja gjithashtu do të largohet, duke parë se kontrata e tij skadon vlerën e ardhshme. Klauzola e tij e largimit është 16 milionë euro.

Edhe Todibo diskutohet se mund të largohet, por e ardhmja e tij lidhet me atë të Umtiti. Njëri mes të dyve duhet të qëndrojë si alternativë në difensivë dhe mbetet të shihet sesi do të veprojë Barcelona, që për momentin i ka nxjerrë të dy në treg. Riki Puxh gjithashtu është në rrugën e daljes, teksa Porto interesohet për shërbimet e tij.





Lajmet e fundit nga