web counter
LEXO PA REKLAMA!

SHKARKO APP

App Store
Google Play

“Azemi më kishte vënë në dijeni”/ Berisha tregon kush e urdhëroi vrasjen

28 Shtator 2020, 20:56, Politikë CNA

Ish-kryeministri Sali Berisha ka folur mbrëmjen e sotme për vrasjen e ish-liderit të lëvizjes Dhjetor `90, Azem Hajdari.

Berisha pretendon se vrasjen e Azem Hajdarit e ka urdhëruar vetë shteti, ndërsa pretendon se edhe vetë Azemi e kishte vënë në dijeni se donin që ta vrisnin.

?Azem Hajdari kërkohej të vritej nga shteti. Janë përpjekur ta paraqesin si një sherrnaj, por Azem Hajdarit, familja e tij, rrethi i tij, nuk kanë pasur kurrë, gjer ditën kur është vrarë, as edhe një sherr më të vogël me bandën kriminale të Haklajt. Azem Hajdari ka qëlluar politikisht kundër terrorit e vrasjeve, që kjo bandë kryente në Tropojë më shumë se çdo luftë.

Sigurisht që Azemi më kishte vënë në dijeni se donin ta vrisnin. Shteti kërkonte ta vriste përmes këtyre. Më kishte thënë, ai shkoi në Tropojë dhe i dhanë 140 plumba makinës së tij. I zunë pusi, por shpëtoi për mrekulli. Kishte një urdhër politik për ta asgjësuar Azem Hajdarin, për shkak të asaj që kishte bërë sistemi?, deklaroi ai në emisionin “Opinion”./ CNA.al





Lajmet e fundit nga