“Flamur Noka iku në Tiranë se preu në besë kuksianët”/ Elezi: Reputacioni i tij në diskutim që në 2015-ën

28 Shtator 2020, 18:19, Politikë CNA

Ish-kryetari i PD-së në Kukës, Ibsen Elezi, ka treguar se përse në këtë mandat Flamur Noka nuk po kandidon më për Kukësin por po kandidon për Tiranën.

Ndonëse Noka tha se Tirana ka më shumë nevojë për të, Elezi nuk mendon kështu. Ai pretendon se Noka iku nga Kukësi pasi preu në besë banorët e këtij qarku që në zgjedhjet e vitit 2015.

“Që nga momenti i zgjedhjeve të 2015, reputacioni i Nokës është vënë në diskutim në Kukës, për shkak se hyri dhe ai në labirintin e katakulptimeve të njerëzve që nuk e meritonin dhe nuk mbajti një qëndrim asnjë dinjitoz. Për shembull ish kryetarin e bashkisës Kukës në 2015 e morën brenda ditës dhe e bënë anëtar kryesie. Një nga këto prapaskena që njoh filanin sille këtu, por kjo nuk është politikë.

Kur kuksianët bënë protestën kundër Ramës për traun në rrugën e kombit, zoti Noka vinte e thoshte jemi të shitur tek Edi Rama. Pa logjikë, e ka thënë me zë e figurë në Parlament. U bënë të gjitha format për të dështuar protestën dhe që ajo të mos bëhej sërish në shtator të 2017, para syve të kuksianëve këto kanë dalë si njerëz që na kanë prerë në besë dhe zoti Noka e ka kuptuar. Mund ta kenë detyruar po jo këto janë marrëdhënie të brendshme brenda një lobi që funksionon aty”, u shpreh ish-kreu i degës së PD në Kukës në Report Tv.

Më tej, ai tha se për shkatërrimin e Partisë Demokratike është përgjegjës edhe ish-kryeministri Sali Berisha, pasi theksoi se nuk po e ndalon Lulzim Bashën.

“Përgjegjësit kryesorë janë shumë që po shkatërrojnë PD, përfshirë edhe zotin Berisha i cili po sheh se çfarë ndodh në PD dhe nuk merret me asnjë element thelbësor nuk di sa kohë. Pastaj del e thotë se Basha mund të jetë kryeministër është përgjegjës direkt duke shtrembëruar realitetin, duke shtrembëruar realitetin ka futur në qorrsokak të gjithë demokratët pasi ka njerëz që e besojnë. Ka rreth 30 vite drejtuesi i PD. Berisha jo vetëm që e ka propozuar Bashën, por ka qenë dhe në marrëveshje me Soros, pasi Basha është një nga njerëzit e tij”, nënvizoi Elezi./ CNA.al