web counter
LEXO PA REKLAMA!

SHKARKO APP

App Store
Google Play

“Një mld lekë për inceneratorin e Tiranës”/ Vokshi “kryqëzon” Ramën e Veliajn: Asnjë pikë ujë e sapun për shkollat

28 Shtator 2020, 19:21, Politikë CNA

Inceneratorët janë një ndër aferat korruptive më skandaloze, për të cilat CNA.al ka bërë një investigim të plotë, në lidhje me emrat dhe kompanitë e përfshira.

Lidhur me inceneratorët ka reaguar pak më parë edhe ish-deputetja e Partisë Demokratike, Albana Vokshi, e cila hedh akuza të forta ndaj kryeministrit Edi Rama dhe kryebashkiakut të Tiranës Erion Veliaj.

Vokshi deklaron se vetëm pak ditë para nisjes së shkollës, Rama dhe Veliaj paguan me taksat tona 1 miliardë lekë inceneratorin e Tiranës.

Demokratja thotë se Veliaj i jep 1 miliadë lekë inceneratorit dhe le shkollat pa ujë e pa sapun.

?Pak ditë para nisjes së vitit të ri shkollor, qeveria e Edi Ramës dhe Bashkia e Tiranës, e drejtuar nga Erion Veliaj, paguan me taksat tona 1 miliardë lekë inceneratorin e Tiranës. Asnjë qindarkë shtesë për shkollat, por gjithçka për biznesin me pronarë që fshihen në parajsa fiskale.

1 milardë lekë për inceneratorin e Tiranës dhe asnjë pikë ujë dhe as një kallëp sapuni në shkollat e Kryeqytetit. Erion Veliaj derdh 1 milardë lekë në kontot në parajsa fiskale, por nuk jep asnjë qindarkë për maskat falas për nxënësit dhe dezinfektimin e klasave.

Me 1 miliardë lekë që Erion Veliaj i ka paguar shtesë inceneratorit të Tiranës mund të ishin paguar edhe testet covid dhe ato sereologjike për mësuesit dhe stafet pedagogjike. Çdo qindarkë e vjedhur në kurriz të banorëve të Tiranës do t?i kthehet kundër në 25 Prill. Dhe kushdo i përfshirë në këtë megaaferë do të shkojë para drejtësisë?, shkruan ajo në rrjetet sociale./ CNA.al





Lajmet e fundit nga