web counter
LEXO PA REKLAMA!

SHKARKO APP

App Store
Google Play

E fundit!

x

Zyrtare/ Dinamo prezanton një tjetër afrim cilësor në merkato

15 Shtator 2020, 15:30, Sport CNA

Tashmë është gjithçka zyrtare, Edvan Bakaj, do të mbrojë portën e Dinamos sezonin e ardhshëm. Gardiani 32-vjeçar, i cili sezonin e fundit ishte pjesë e kampionëve të Tiranës, i është bashkuar një tjetër klubi me shumë histori në futbollin shqiptar, si Dinamo, që ka fituar plot 18 tituj kampion në Superiore dhe që do të kërkojë këtë sezon, rikthimin në elitën e futbollit shqiptar, pas disa sezonesh në Kategorinë e Parë. Ka qenë vetëm klubi që nëpërmjet një postimi në faqen zyrtare, ka prezantuar Bakajn, si afrimin e radhës në merkato.

NJOFTIMI I KLUBIT: 

Stafi dhe presidenti Pontrelli nuk ja lënë rastësisë arritjen e objektivit!

Zyrtare/ Edvan Bakaj rikthehet në familjen Dinamovite.

Me shumë vite eksperiencë në mbrojtjen e portës së shumë klubeve të rëndësishme në Superiore, objektivi i tij i vetëm është rikthimi i legjendës Dinamo në vendin ku i takon.

Portieri 32-vjeçar sezonin e fundit u shpall kampion me KF Tiranën, ndërsa më herët qe pjesë e ekipeve të Lirisë së Prizrenit dhe Dritës së Gjilanit, me të cilët mori pjesë edhe në kompeticionet europiane. Bakaj ka fituar edhe Kupën e Shqipërisë me ekipe si Besa dhe Laçi. Pjesë e Dinamos ka qënë në vitin 2011, ndërsa tani rikthehet me më shumë eksperiencë për ti dhënë sigurinë e duhur katërkëndorit Blu.

FK Dinamo i uron suksese me fanellën e 18 herë kampionëve të Shqipërisë!





Lajmet e fundit nga