web counter
LEXO PA REKLAMA!

SHKARKO APP

App Store
Google Play

Nga falja e gjobave tek pagat, ja divergjencat mes qeverisë dhe futbollit

13 Shtator 2020, 14:54, Sport CNA

Në mars 2019, pas një takimi mes përfaqësuesve të sportit dhe qeverisë, ku ishte i pranishëm dhe vetë kryeministri Rama, ky i fundit u zotua për të miratuar një paketë me ndryshime ligjore në ndihmë dhe reformim edhe të futbollit. Krahas ndryshimeve në Kodin Penal, për dhunën në sport, baza e diskutimeve ishte ligji për sponsorizimet dhe ai për privatizimin e klubeve. E duke u bërë disa ndryshime ligjore, presidentë e 10 klubeve të Superligës doli me qëndrim drastik duke bojkotuar kampionatin.

10 elitare në vend, të bashkuara nën logon e Ligës Profesioniste, kanë formuluar 4 pika si ultimatum për qeverinë, pa plotësimin e të cilave nuk kthehen në fushë.

Po cilat janë divergjencat mes qeverisë dhe sportit apo futbollit:

-Së pari, futbolli kërkon “kopjimin” e Kosovës, që të ketë rimbursim 30% për ata që investojnë në sport. Qeveria ka miratuar zbritjen nga tatimi 20% për ata që investojnë në futboll dhe 10% për ata që investojnë në sporte të tjera. Edhe më tej, në këtë pikë, futbolli kërkon zbritje në të gjithë tërësinë e bizneseve të sponsorizuesit, si dhe të mos jetë skema që sponsor bëhet vetëm dikush me mbi 1 miliard lekë (të vjetër) fitim të deklaruar vjetor.

-Së dyti, futbolli kërkon falje të gjobave dhe kamatëvonesave në tatime. Pra, të mbetet detyrim vetëm borxhi principal. Qeveria nuk e merr parasysh këtë kërkesë.

-Së treti, futbolli kërkon dhjetë vite mostatim të të ardhurave, pagave dhe fitimeve, ndërsa qeveria e jep këtë mundësi vetëm për dy vite.

-Së katërti, futbolli kërkon të tatohet siç është subvencionimi aktual i qeverisë për bujqësinë, pra në masën 6%.





Lajmet e fundit nga