web counter
LEXO PA REKLAMA!

SHKARKO APP

App Store
Google Play

E fundit!

x

Festimi prekës i Salah, një prej golave ja dedikon shokut të sëmurë rëndë

13 Shtator 2020, 08:16, Sport CNA

Liverpool e filloi me fitore kampionatin ditën e djeshme. Të besuarit e Jurgen Klopp mposhtën me rezultatin 4-3 Leeds United. Ishte një ndeshje e çmendur në ?Anfield Road?, ku sigurisht heroi i vendasve ishte Mohamed Salah.

28-vjeçari vulosi fitoren e skuadrës së tij falë një penalltie të shndërruar në gol në minutën e 88-të të takimit. Egjiptiani shënoi plot tre herë dhe bëri një festim që nuk e kishim parë më parë. Ai vendosi duart tek veshët dhe nxori gjuhën jashtë.

Fillimisht u mendua se mënyra e tij e festimit ishte thjesht një stil i ri i Salah, por ai e kishte planifikuar më parë atë. Kjo mënyrë festimi i përket shokut të Mohamedit, Moamen Zakaria. Ky i fundit festonte në këtë mënyrë, pasi shënonte, dhe tani po kalon momente të vështirë.

32-vjeçari është diagnostikuar me sklerozë amiotrofike ( ALS ) muajin e kaluar dhe kjo është një sëmundje që prek qelizat nervore në tru, si dhe palcën kurrizore. Zakaria nuk do të jetë në gjendje që të luajë më futboll dhe Salah e tregoi dhe një herë se, përveçse është një yll botëror, është dhe një njeri i madh.





Lajmet e fundit nga