web counter
LEXO PA REKLAMA!

SHKARKO APP

App Store
Google Play

Liga Profesioniste bisedime me Qeverinë, diskutohet shtyrja e bojkotit

12 Shtator 2020, 08:22, Sport CNA

Liga Profesioniste e Futbollit do të intensifikojë takimet mes klubeve të elitës, teksa po bëhet gati edhe një grup përfaqësues që do të ulet në bisedime me përfaqësuesit e qeverisë.

Për këtë, Liga Profesioniste e Futbollit ka caktuar një takim i cili do të zhvillohet sot në orën 11:00 në ambientet e stadiumit ?Air Albania?. Mes të tjerash, është mësuar se në axhendën e diskutimeve të ditës, do të diskutohet për shtyrjen dhe vazhdimin e bojkotit, nëse do të ketë dakordësi për ta vijuar atë apo jo.

Më tej, një ndër pikat më të rëndësishme të rendit të ditës është edhe përzgjedhja e një grupi negociator që do të përfaqësojë interesat e klubeve përballë një grupi pune të përzgjedhur nga qeveria, ku në krye të tij si negociator do të jetë deputeti Fidel Ylli.

KËRKESAT

Klubet kanë vendosur për një bojkot dhe ditën e mërkurë, kanë marrë edhe miratimin nga Komiteti Ekzekutiv i FSHF-së, që shtyrja e sezonit 2020-2021 të jetë pa afat. Nën logon e Ligës Profesioniste të Futbollit, dhjetë skuadrat e Kategorisë Superiore kanë përpiluar katër kërkesa që, sipas tyre, janë edhe shinat e nevojshme për të nxjerrë futbollin elitar nga vështirësia aktuale ekonomike ku ndodhen. Në vijim, janë edhe katër pikat e parashtruara nga klubet si kërkesë ndaj qeverisë:

1. Miratimin e një ligji të ri për sponsorizimet sipas formës së propozuar nga komuniteti i futbollit. Të njihet tatimi mbi fitimin i zbritshëm në masën 30% për të gjithë aktivitetin tregtar të sponsorizuesit, jo vetëm atë sportiv.

2. Përfshirjen e të gjitha aktiviteteve ekonomike të futbollit në TVSH-në e reduktuar në masën 6%, si bujqësia dhe turizmi, dhe jo vetëm infrastrukturën sportive.

3. Zerimin e gjobave e kamatëvonesave për detyrimet fiskale të prapambetura për të shmangur kolapsin financiar të klubeve.

4. Zgjatjen e efekteve të përjashtimit nga tatimi mbi të ardhurat për sportistët për 10 vite.





Lajmet e fundit nga