web counter
LEXO PA REKLAMA!

SHKARKO APP

App Store
Google Play

Tirana pa frena, arrihet marrëveshja me 19-vjeçarin

11 Shtator 2020, 09:20, Sport CNA

Tirana arriti të bëjë një merkato cilësore në hapje të tregut dhe tani duket se është e përqëndruar në zbulimin e talenteve, që do të ishin një investim shumë i mirë në rast se arrijnë të përmbushin pritshmëritë. Pasi zyrtarizoi ardhjen e tre lojtarëve nga Gana ditën e djeshme, një tjetër bashkëatdhetar i tyre pritet të zyrtarizohet në ditët e ardhshme.

Riçard Danso ka gjetur akordin me klubin e Tiranës dhe në ditët në vijim pritet të vendoset firma mbi kontratë. Ai aktivizohet në krahun e majtë të sulmit dhe në Ganë cilësohet si një talent me shumë vlera. Hektor Çomo, menaxher lojtarësh, që bashkëpunon me Tiranën konfirmoi mbrëmjen e djeshme afrimin e një sulmuesi dhe bëhet fjalë pikërisht për Danson.

Ganezi është lojtar në pronësi të El Sahel, klub nga Tunizia dhe është huazuar në skuadrën e WAFA kontinentin afrikan dhe së fundmi në Amerikë. Ai ishte pjesë e North Teksas, ku luajti 13 ndeshje dhe arriti të shënojë dy gola. Tashmë Tirana do të jetë destinacioni i ri i tij dhe bardheblutë pritet ta përdorin si një zëvendësues të Elton Kale, mosha e të cilit nuk premton shumë për të ardhmen.

Duhet të themi se Danso në Botërorin e U17 të vitit 2017 ishte pjesë e kombëtares së Ganës. Ai gjithashtu ka luajtur me Gana U20 dhe Gana U23, çka dëshmon edhe aftësitë e tij, megjithëse mbetet ende për tu parë rendimenti i sulmuesit në një futboll fizik si ky i joni.





Lajmet e fundit nga