Një muaj me Pirlon si trajner, ja çfarë ka ndodhur te Juventusi

10 Shtator 2020, 07:33, Sport CNA

Një ditë pas dështimit europian me eliminimin në Ligën e Kampioneve nga dora e Lionit, Andrea Anjeli, presidenti i Juventusit, vendosi të shkarkonte trajnerin Mauricio Sarri. Në vendin e tij, si surprizë, debutuesi absolut Andrea Pirlo: ?mjeshtër? i padiskutueshëm në fushë, por ende në hapat e parë të karrierës së tij të re.

Ndodhte saktësisht si dje një muaj më parë, më 8 gusht. Në këto 31 ditë të para në stolin e bardhezinjve, megjithatë, Pirlo ka dhënë disa sinjale të forta të stilit, qëllimeve dhe filozofisë së tij të futbollit: ka shënuar disa ndryshime të mëdha nga puna e paraardhësit të tij, duke i lënë menjëherë të kuptojë skuadrës, drejtuesve dhe nëpunësve që edhe si trajner mbetet gjithmonë Andrea Pirlo, jo një debutues dosido, shrkuan “Panorama Sport”.

Gjatë videove në ?Instagram? në kohë karantine, Pirlo kishte zbuluar disa parime të karrierës së tij si trajner: zotërim topi, cilësi loje dhe pasion për 4-3-3. Ja, pikërisht moduli që 41-vjeçari do të marrë si trashëgimi nga Sarri duhet të konfirmohet për sezonin që pritet të nisë. Trajneri vetë e preferon dhe skuadra zotëron interpretuesit e duhur thuajse në çdo repart. Duhet sinjalizuar, megjithatë, një ndryshim i dukshëm me paraardhësin e tij: jo më dogma.

Që në këtë muaj të parë Pirlo ka punuar mbi dinamikën taktike, për t?u përshtatur me situata dhe kundërshtarë të ndryshëm, si nga minuta e parë po ashtu edhe gjatë ndeshjes. Mbrojtja me 4 dhe ?tredhëmbëshi? do të jenë kartëvizita e kampionëve në fuqi të Italisë, por nuk është për t?u përjashtuar një kalim te mbrojtja me 3. Pra, skuadra duhet të pajiset me njëfarë polivalence taktike që të lejojë më shumë paparashikueshmëri.

Mbi ndryshimin e stilit nuk është nevoja të ndalemi: me Pirlon është rikthyer tradita, një komunikim më institucional, natyral për trajnerin e ri që në fushë elegancën e ka bërë mënyrën e tij të lojës. Muaji i parë ka kaluar, pavarësisht se pa futboll të luajtur. Pas 30 ditësh të tjera do të mund të bëhet një bilanc ende më kuptimplotë, më i kompletuar. Skuadra do të ketë luajtur tri ndeshjet e para të kampionatit (me Sampdorian, Romën e Napolin) dhe do të jetë në pritje të debutimit në Champions. Në fund, diferenca bëhet në fushë.