web counter
LEXO PA REKLAMA!

SHKARKO APP

App Store
Google Play

Kukësi godet në merkato, akord me lojtarin e kombëtares shqiptare

10 Shtator 2020, 08:17, Sport CNA

Kukësi është padyshim një nga skuadrat më aktive në merkato, me presidentin Safet Gjici, që mundohet të investojë sa më shumë te skuadra për të arritur sërish te titulli kampion. Drejtuesit kanë dalë në përfundimin se ka ende nevojë për ndërhyrje në merkato dhe ?Abc News? zbulon se është arritur marrëveshja me lojtarin e grumbulluar disa herë në kombëtare, Besir Demiri.

Mbrojtësi i majtë, që aktivizohet edhe në mesfushë është një nga lojtarët më të mirë qarkullim në tregun shqiptar dhe për të interesohej edhe Partizani, por mbyllja e merkatos së të kuqve ndali gjithçka. Kukësi ka arritur të mbyllë me sukses tratativat për 26-vjeçarin, i cili vjen si lojtar i lirë, pas përfundimit të kontratës me Zilinën në Sllovaki, ku luajti për një sezon të plotë, duke u aktivizuar në 21 ndeshje, të gjitha si titullar dhe shënuar dy gola.

Para kësaj eksperience Demiri është aktivizuar për një sezon e gjysëm te Maruipol në Ukrainë, ku gjithashtu ishte një lojtar mjaft i përdorur nga stafi teknik. Duhet të themi se mbrojtësi nga Shkupi ka luajtur edhe me Shkëndijën dhe Vardarin, ku ishte padyshim një nga lojtarët më të mirë të kampionatit fqinj. Në vitin 2018 Demiri vendosi të mos presë më ftesë nga kombëtarja e Maqedonisë, por i tha ?po? Shqipërisë, me të cilën numëron disa grumbullime. /vipsport.al/





Lajmet e fundit nga