web counter
LEXO PA REKLAMA!

SHKARKO APP

App Store
Google Play

Hapja e kazinove/ Pyetjet që "vënë me shpatulla pas muri" Ramën

10 Shtator 2020, 11:34, Politikë CNA

Nënkryetari i PD Edi Paloka, ka reaguar lidhur me hapjen e kazinove.

Në një postim në rrjetet sociale, Paloka shkruan se Edi Rama qante me lot krokodili dy vjet më parë për dëmin që bixhozi u sillte familjeve.

?Pjesë e spektaklit ishte dhe gjoja tronditja e tij se të dënuarit në burgun 313 po i kërcënonin deputetët. Edhe pse vepër penale, nuk u mor kurrë ndonjë masë për ata që kërcënuan deputetët, sepse personat pas hekurave të burgut, janë pushtetarët e vertetë në këtë vend.

Edi Rama sot ka harruar gratë e përvuajtura, që i përdor sa herë i duhen për spektaklin e tij dhe për pazaret e tij të fëlliqura, duke vendosur edhe një herë tjetër t?i shërbejë krimit dhe pastrimit të parave, përmes lejimit të lojrave të fatit?, shkruan Paloka.

Paloka thekson se Rama është në ditët e tij të fundit në qeverisje dhe rendit disa pyetje që sipas tij, Rama dhe SPAK duhet ti kthejnë menjëherë përgjigje.

?Sot, ka disa pyetje që Edi Rama duhet t?u kthejë përgjigje. Këto përgjgije duhet të kërkohen menjëherë edhe nga SPAK.

Për llogari të cilit të burgosur te 313-ta po lejon sërish lojrat e fatit?

Për llogari të kujt i mbylle 2 vjet më parë?

Pse e more këtë vendim në fshehtesi dhe me nxitim në kulmin e krizës, ku shqiptarët po vuajnë për ushqimin e përditshëm?

A është ndonjëri nga ata më të cilët ishe mbrëmë përfitues i këtij vendimi?

Çfarë pazari mbylle me shoket e përgjimeve të Vangjushit?

Shqiptaret e dinë se ditët e Ramës janë të numëruara. Ata e shohin çdo ditë e me qartë se çfarë mashtruesi ordiner është Edi Rama dhe sesi, për pushtetin e tij, është gati të bëjë pazar edhe me kufijtë dhe të mashtrojë çdo qytetar pa iu dridhur syri.? përfundoi ish-deputeti./ CNA.al





Lajmet e fundit nga