E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Riformatimi i KQZ-së/ Denar Biba: Idetifikimi biometrik mbetet çështje tepër sfiduese

9 Shtator 2020, 19:47, Politikë CNA

Nënkryetari i Komisionit Qendror të Zgjedhjeve, Denar Biba, referuar ndryshimeve që do të pësojë KQZ-ja aktuale, tha në ?Ilva Now? se sa herë ka pasur zgjedhje në Shqipëri janë shfaqur tendenca për të minuar institucionet. Ai thotë se kjo vjen për shkak të dobësisë së opozitës, pavarësisht se cila është në këtë ?tren?.

?Të minosh në mënyrë të tillë institucionet sa herë bëhen zgjedhje, dhe kjo vjen kryesisht për shkak të dobësisë së opozitës, pavarësisht se kush është opozita radhës. Ne kemi në mënyrë të vazhdueshme një opozitë që kërcënon që nuk do të hyjë në zgjedhje dhe partia që është në pozitë tenton t?i ofrojë karamele të tipit 6 ministra, kreun e KQZ-së etj?, tha ai.

Ai tha më tej se në parim qasja për të depolitizuar të gjithë administratën zgjedhore ishte pozitive, ndërsa në pamundësi për ta bërë këtë shton ai, më e lehta ishte ndryshimi i strukturës së KQZ-së aktuale. Z.Biba thotë se ndarja e KQZ-së në tre struktura është një qasje e re, të cilën asnjë vend tjetër nuk e ka praktikuar deri më sot.

?Në këtë rastin aktual është diçka më e motivuar. Në parim ishte qasje pozitive sepse PS, në fakt synimi ishte: që të depolitizohej krejt struktura e administratës së zgjedhje, në pamundësi për t?i depolitizuar ato, mbeti vetëm KQZ, siç duket më e lehta. Në parim, qasja ishte pozitive, sepse në këtë rast duke ndarë funksionet e KQZ, ato funksionet që ne i bëjmë sot që janë: organizimi i zgjedhjeve, hartimi i akteve nënligjore dhe zgjidhja e ankesave, këto tre kompetenca që i kemi sot si një trupë e vetme, tashmë do të ndahen në tre struktura të ndryshme brenda një kupolë, që do jetë KQZ-ja e re. Nuk ka asnjë vend të botës që ta ketë kështu, në ketë pikë është një risi absolute shqiptare, dhe nuk do të nxitohesha të thoja nëse do të jetë e suksesshme apo e pasuksesshme, sepse nuk ka ndodhur askund deh mbete për t’u parë?, tha ai.

I pyetur për implementimin e identifikimit biometrik në zgjedhjet e 25 prillit, z. Biba tha se kjo mbetet një sfidë e madhe për KQZ-në e re pasi nuk ka kohë fizike të mjaftueshme.

?Unë realisht nuk i kam zili anëtarët e rinj të KQZ, me gjithë këto sfida, partitë, konkretisht opozita, e ka pasur kalë betejë identifikimin biometrik. Me sa kuptoj unë, komisioni i ri do të formohet nga mesi i tetorit, mbetet pak kohë dhe në lidhje me procedurën e prokurimit, dhe jo më me implementimin. Është sfiduese kjo çështja e indetifikimit biometrik?, tha ai.

Duke komentuar problemet zgjedhore dhe rekomandimet e OSBE-ODIHR, nënkryetari i KQZ-së u shpreh se, zgjedhjet e 2019-s nuk ishin zgjedhje për t?u vlerësuar.

?Pedagogu ynë më i mirë është OSBE-ODIHR. Në raportet periodike të OSBE zgjedhje pas zgjedhjesh, sepse kjo KQZ nuk u formatua dje, por vjen pak a shumë që nga 2015. Disa prej nesh më herët, por si paketë që nga 2015. Si në vitin 2015 si në 2019 nuk ka pasuar kritikat të drejtpërdrejta për KQZ. Zgjedhjet e 2019 ishin zgjedhje surrogato, nuk është se ishin zgjedhje për t?u vlerësuar, por ishin të rëndësishme për të vazhduar trendin demokratik dhe të shtetit të së drejtës në Shqipëri, pra mos të humbur lojën demokratike që në çdo katër vjet do të këtë zgjedhje me patjetër, për këtë gjë vlejnë zgjedhjet e 2019, jo për gjë tjetër?, u shpreh ai.

Ai theksoi se edhe OSBE në zgjedhjet e 2019 nuk kishte kritika të forta për KQZ-në, ndërsa shtoi faktin se vjedhjet dhe tjetërsimi i votave nuk ndodhin brenda institucionit.

“Në raportin e OSBE, në lidhje me këtë pati një shprehje ?KQZ-ja interpretoi ligjin në mënyrë kreative”, por s’pati kritikë që bëri zgjedhje antikushtetuese. Kjo ishte e vetmja kritikë për KQZ, njerëzit në mënyrë naive, presin nga KQZ të zhvillojë zgjedhje të atilla, që të jenë të lira të dhe ndershme. Vjedhja nuk ndodh në KQZ, por ndodhin jashtë saj. Nëse ka korrupsion zgjedhor në këtë vend, shit-blerja e votës ndodh para ditës së zgjedhjeve?. theksoi Biba.