Mbahu Fatmir!

9 Shtator 2020, 17:46, Politikë CNA

Sot në një dalje për mediat kreu i Partisë Republikane që mban këtë detyrë prej gati 20 vitesh, Fatmir Mediu ka deklaruar se qeveria, pra mazhoranca socialiste dhe Rilindja po tentojnë të blenë opozitën.

Sipas Mediut ka aktualisht oferta që hidhen nëpër partitë opozitare për të shkuar drejt bashkëpunimit me Ramën.

?Ka aktualisht oferta që hidhen nëpër partitë opozitare për tu larguar nga fronti opozitar me oferta të majme për të shkuar drejt bashëkpunimit me Ramën?deklaroi sot Mediu.

Sipas këtij qendrimi publik të bërë nga kreu i Partisë Republikane , lehtësisht kupton se Rama po kërkon të blejë me para segmentet e frontit opozitar që sipas Mediut fillon nga e majta e shkon djathtas. Në fakt shumica e atyre që janë në opozitë me Edi Ramën janë të dëbuarit e tij sepse aleança Çamo-greke në opozitë dhe ajo e Fatmir Mediut, si republikani, përfaqësuesi i ish pronarëve me komunistët e Monika Kryemadhit apo me agrarët e Agron Dukës është shembulli i një koalicioni që tregon se janë mbledhur jo për të rrëzuar Ramën, sepse aty i ka çuar vetë ky i fundit, por gjithësesi ky politikan që thotë se ka oferta për opozitën po na tregon thjesht dhe vetëm se sa me vështirësi po rezistojnë partitë opozitare për të shkuar në pushtet.

Në fakt mjafton që Rama t?i thërrasë sepse tre çereku i koalicionit opozitar do të shkonte në qeveri me Ramën pasi kështu ka ndodhur me LSI që e solli në pushtet, kështu ka ndodhur me çamët e Shpëtim Idrizit, kështu ka ndodhur me PBDNJ e Vangjel Dules dhe kështu me radhë, pa folur për emra të tjerë. Prandaj, këto thirrjet e Mediut kanë vetëm një përgjigje: Mbahu Fatmir! Shqiptarët janë të bindur që ti do të mbahesh, megjithëse edhe po të të bëjë një ofertë të hapur ai, ti nuk do të shkosh por do rrish te Luli sepse nuk leviz dot, ndërsa të tjerët të jesh i bindur, mjafton të ftohen nga Rama pa kokërr leku vetëm tu japë disa poste dhe të gjithë ikin dhe e lënë Lulin rrugës sepse e dinë se me çfarë gënjeshtari e mashtruesi publik janë duke bërë aleancë, nga halli se Rama i ka lënë rrugës.

Ai është koalicioni opozitar i të lënë rrugëve nga Edi Rama i cili mjafton tju fishkëllejë dhe ata i shkojnë me vrap nga pas. Ti Fatmir mbahu se ky është problem më i madh, të mbahesh ti se po të blenë ty nuk kemi si tja bëjmë dhe Shqipëria do të ketë një hall të madh për të zgjidhur./CNA.al