web counter
LEXO PA REKLAMA!

SHKARKO APP

App Store
Google Play

“Shpërthen” Albin Kurti: Serbia po fiton gjithçka që synoi, Kosova asgjë

5 Shtator 2020, 15:41, Kosova & Bota CNA

Ish-kryeministri i Kosovës, Albin Kurti ka reaguar sot lidhur me marrëveshjen e nënshkruar mes Kryeministrit Abdullah Hoti dhe presidentit serb Aleksandër Vuçiç.

Ai ka rikujtuar borxhin që Serbia i ka Kosovës, që sipas tij u shpërfill dhe u harrua nga delegacioni i Kosovës dhe se secili ka nënshkruar një marrëveshje me vetveten.

?Serbia kërkoi dalje në det, e mori, kërkoi financa i mori, kërkoi devijimin e hekurudhës kah Merdarja e mori, kërkoi minishengen e mori, kërkoi të hiqej pika ku mes tjerash nënkuptohej njohja e hoqi. Pra, askund s’ka njohje reciproke të premtuar. Përkundrazi, Grenell e pranoi se ka pranuar ta heqë atë?, thuhet ndër të tjerash.

Kurti ka përmedur një thënie të ish-presidentit amerikan Jimmy Carter i cili dikur ka thënë se asnjë marrëveshje nuk mund të jetë afatgjatë nëse nuk fitojnë të dyja palët. Kurti shkruan se Serbia po fiton gjithçka që synoi, ndërsa Kosova asgjë. Ai shton se në rrafshin ekonomik sërish Serbia fiton më shumë, duke ju pranuar pozita e hegjemonit në rajon, kalim e tregti të lirë në Kosovë, dalje në det etj.

Sipas tij, Izraeli duhet falënderuar, por njohja mes Kosovës e Izraelit është diçka që nuk i përket Serbisë. ?Nuk po e blejmë njohjen nga Izraeli duke i lëshuar sovranitet Serbisë?, shkruan ish-kryeministri.

?Ujmani, energjia, minishengeni, rrugët e Serbisë nëpër Kosovë, deri para pak ditësh kanë qenë të papranueshme si tema bisedimesh me Serbinë për partitë në Kosovë. Ky ndërrim i faqes, tregon sa të padenjë janë. Shkuan atje me premtimin për njohje, por kur Vuçiç ka thënë se nuk ka bisedime nëse nuk eleminohet njohja, këta nuk kanë guxuar të këmbëngulin. Kanë pranuar gjithë çfarë ka kërkuar ai?, përfundon Kurti./ CNA.al





Lajmet e fundit nga