web counter
LEXO PA REKLAMA!

SHKARKO APP

App Store
Google Play

E fundit!

x

Kosovë/ Mbeten në fuqi masat masat kundër përhapjes së COVID-19

5 Shtator 2020, 11:00, Kosova & Bota CNA

Pas vlerësimit që i është bërë situatës epidemiologjike me COVID-19, Komiteti për menaxhimin e pandemisë COVID-19 në Kosovë,  ka bërë me dije se masat për parandalimin e përhapjes së pandemisë COVID-19 do të mbesin në fuqi, pavarësisht rënjes së lehtë të numrit të të infektuarve me covid-19.

Lajmin e ka bërë me dije Ministri i Shëndetësisë në Qeverinë e Kosovës, Armend Zemaj, në një konferencë për mediat.

?Jemi të vetëdijshëm se presioni për të liruar veprimtari të tjera është në rritje e sipër sidomos nga bizneset, banjat rehabilituese, ndryshime të orareve të qarkullimit, kinematë dhe veprimtari të tjera, por duke qenë që jemi në një fazë delikate në prag të fillimit të vitit shkollor dhe neve na duhet të ulim edhe më tej lakoren e infektimeve dhe rastet e vdekjeve, konsideroj se së paku edhe për disa ditë apo javë, masat e njëjta duhet t?i mbajmë në fuqi?, u shpreh Zemaj.

Në Kosovë nga ora 22:20 dei në orën 05:00 është e ndaluar lëvizja e qytetarëvë, po ashtu edhe puna e lokaleve të gastronomies.

Gjithashtu akoma janë të ndaluara të gjitha tubimet publike, përfshirë ahengjet familjare, private, si dhe grumbullimi i më shumë se pesë personave në sheshe publike, parqe e të tjera.

Qytetarët sipas vendimit të fundit të Qeverisë janë të detyruar të mbajnë maska, të respektojnë distancën dhe të mbajnë higjienën personale.

Numri total i të infektuarve në Kosovë është 13,910.

Ndër to, 551 pacientë kanë ndërruar jetë dhe 10,300 janë shëruar.

Numri total i rasteve aktive aktualisht është 3,059.





Lajmet e fundit nga