E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Sa kohë do t’i lërë Meta, negociatave për qeverinë e paszgjedhjeve?

4 Shtator 2020, 13:03, Politikë CNA

Që prej 3 ditësh të gjitha mediat janë tejmbushur me “lajme”, për një çështje aspak të rëndësishme në dukje.

Datën e zgjedhjeve!

Dispozitat e reja të Kodit zgjedhor, tërhoqen në kalendar dhe spostuan me një muaj, fashen kalendarike gjatë të cilës duhen mbajtur zgjedhjet kur afatet bien në periudhën e pranveres.

Praktikisht, Presidentit i lihet në dorë të nxjerrë dekretin për datën e zgjedhjeve në një nga të Dielat për periudhën 1 mujore midis mesit të Prillit dhe mesit të Majit.

Kaq është gjithë sa duhet të bëjë Presidenti.

Pas atij dekreti, kompetenca e Presidentit në raport me zgjedhjet është ezauruar.

Pas caktimit të asaj date, Presidenti, ka vetëm 1 votë në dorë dhe ajo lidhet me kutinë e votimit, ku ai shkon me vetëm 1 votë, si çdo shqiptar me të drejtë vote.

Konsulta politike në lidhje me zgjedhjen e një date midis 3 apo 4 të dielash, i takojnë një presidenti realisht superpartes.

Për popullin, nuk bën diference se në cilën nga tre apo katër të dielat e një muaji, do shkojnë të votojnë.

Qeveria nuk ndryshon sidoqofte deri në shtator kur mbaron mandati i Kuvendit ekzistues dhe konstituohet Kuvendi i ri që do të dalë nga ato zgjedhje.

Ai Kuvend do zgjedhë qeverinë e pas zgjedhjeve të 2021! Tre deputetë të infektuar me Covid/ Kuvendi merr masa

Ajo që u vu re sot, është dalja me një qëndrim e partive aleate të PD.

Ato kërkuan datën më të afërt për zgjedhjet!

Me ndryshimet e Kodit Zgjedhor, kryetarët e atyre partive, me shumë gjasë do të jenë pjese e listave të PD.

Vini re! Pjesë e listave të PD, pra do të dalin nga votat e votuesve të PD. Dënglat e koalicioneve me ta për te bashkuar votat nuk u besojne as ata vetë. Votat e tyre nuk bëhen as sa farefisi i tyre, ndaj rregullat e reja për koalicionet, ju shkojnë për shtat.

Por çfarë llogarie kanë bërë këta kryetarë partiçkash kur kërkojnë datën më të afërt?

– Është data që ata e vlerësojnë si të mjaftueshme për të vënë në funksionim strukturat e tyre partiake?

-Besojne se aq kohë u mjafton për të organizuar kuvendet partiake dhe zgjedhjet e reja brenda partive të tyre?

– Duan të nxjerrin sa me shpejt listat e kandidateve, se kanë hall se mos ua marrin partitë e tjera?

Pse duken sikur nxitojnë partitë aleate të Bashës për të afruar datën e zgjedhjeve?

Kjo nuk kuptohet dot dhe nuk sqarohet nga demagogjia e nevojës për shkurtim të ditëve të qeverisë Rama.

Ato ditë nuk shkurtohen dot nga një datë zgjedhjesh, kurdoqoftë ajo në Prill apo në Maj.

Pas zgjedhjeve, aleancat brenda Kuvendit, mund të jenë të ndryshme nga aleancat paraeletorale.

Negociatat pas zgjedhjeve mund të mos jenë shëmbëlltyra e aleancave përpara zgjedhjeve.

A mos vallë, “aleatët” e PD, po lënë më pak kohë për periudhen parazgjedhore, sepse u duhet sa më shumë kohë për periudhën e negociatave pas zgjedhore?

Po demokratët çfarë fitojnë në këtë pazarin më të fundit që është quajtur, “negociatë për daten e zgjedhjeve”?

Mbetet për t?u parë se çfarë do të dalë nga dekreti presidencial.

Atje do kuptojmë se sa kohë do t?i lërë Presidenti, pazarit të paszgjedhjeve.

Konsultimet e shpërfaqura, më shumë sesa për një datë zgjedhjesh, po duken si llogaritje të kohës që do u duhet të gjithë opozitarëve, për tepsinë e paszgjedhjeve.

Dhe është e rënde kur ky pazar tepsie, buron nga opozita!

Halli i proçedurave dhe kohës që duhet për të bërë të mundur identifikimin biometrik u harrua! Tani hallet e opozitës ndjekin prioritete të tjera!/ CNA.al