web counter
LEXO PA REKLAMA!

SHKARKO APP

App Store
Google Play

Një lutje presidentit/ Sqarohuni në shtrat me gruan!

4 Shtator 2020, 12:48, Politikë CNA

Sot presidenti Ilir Meta ka thirrur në takim kryetarët e partive politike, në kuadër të konsultimeve për datën e zgjedhjeve parlamentare të vitit 2021.

Por, ajo çfarë ndodhi sot ishte një show i turpshëm dhe një figurë mjerane në sy të shqiptarëve, duke iu servirur atyre gruan me të cilën ka tre fëmijë dhe jeton prej më shumë se 20 vitesh, në tavolinë sikur po diskutonte për hallin e datës së zgjedhjeve, apo sikur ajo është kryetarja e LSI-së, kur në fakt është vetë presidenti.

Zoti Meta mund tua kishte kursyer këtë shfaqje të shëmtuar shqiptarëve dhe ta sqaronte në shtrat kur flinte qetësisht me bashkëshorten e tij.

Mjaftojnë hajdutëritë dhe maskarallëqet e pafundme të presidentit dhe bashkëshortes së tij.

Tani nga qejfi apo se ajo ka dëshirë të dalë në krah të tij kur vendos fatin e zgjedhjeve apo datën e tyre, Ilir Meta na e servir si një konsultim të madh me Monën.

Një shprehje thotë, ?Burrë e grua, mish e thua?. Nëse janë divorcuar të paktën të na e thonë e ta dimë. Në të kundërt mos të bëjnë shfaqje të tilla, se duken kaq shumë të braktisur dhe kaq shumë në hall sa përtej faktit që duan të tregojnë se janë koka më vete për veprimet e tyre politike, nga ana tjetër tregojnë se nuk kursejnë asgjë. Dhe shfaqje të tilla iu shkojnë vetëm sharlatanëve politikë./ CNA.al





Lajmet e fundit nga