E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Kamikazi 30 milionë euro i Portit

4 Shtator 2020, 10:15, Politikë CNA

Nga Klodian Tomorri

Dy ditë më parë, Autoriteti Portual i Durrësit hapi një tender 3.7 miliardë lekë ose 30 milionë euro për të dhënë menaxhimin dhe operimin e terminalit të konteniereve tek privati për 5 vjet.

Në fakt, tenderi me firmen e drejtorit Pirro Vengu, është një koncesion i maskuar, që privatizon buxhetin e Autoritetit Portual të Durresit, ndërsa procedura e prokurimit një aferë kamikazësh.

Sipas dokumentave, kompania e përzgjedhur do të menaxhojë dhe operojë terminalin e kontenierëve për 5 vjet dhe për këtë shërbim do të paguhet 30 milionë euro nga Autoriteti Portual. Kompania private nuk bën asnjë investim dhe asnjë shpenzim mirëmbajtje të infrastrukturës së Portit.

Thjesht ngarkon-shkarkon kontenierët dhe paguhet me shifren e majme nga Autoriteti Portual, ndërkohe qëe investimet dhe mirëmbajtjen do e kryejë vetë Autoriteti me para publike. Kjo e bën koncesionin praktikisht një instrument të transferimit të parave publike në llogari private.

Praktikisht përmes këtij koncesioni, Autoriteti Portual ka transferuar të gjithë fitimin e një ndërmarrje publike tek një biznes privat. Në vitin 2018, fitimi i terminalit të konteniereve ishte sipas të dhenave zyrtare 430 milionë lekë.

Përmes koncesionit, Autoriteti Portual i transferon privatit, 750 milionë lekë në vit. Ky është një mekanizëm i paster i transferimit të parasë publike në llogari private.

Ky është objekti uleritës i koncesionit. Procedura e Prokurimit është edhe më ulëritëse. Sipas ligjeve në fuqi, çdo proçedure prokurimi me vlerë mbi 1 miliardë lekë duhet të jetë e hapur dhe ndërkombëtare.

Autoriteti Kontraktor është i detyruar që pasi të shpallë garën të bëjë njoftim në gazetat ndërkombëtare dhe të vendosë një afat të paktën 52 ditë për dorëzimin e ofertave, për t?u lënë kohë sa me shumë kompanive që të marrin pjesë në tender. Kjo rrit konkurrencen në tender dhe ul koston që paguajnë qytetarët.

Por në vend të tenderit të hapur ndërkombetar që dikton ligji i prokurimeve, Autori Portual i Durrësit ka zgjedhur një procedure të kufizuar, thuajse prokurim të drejteperdrejtë, që zhvillohet me dy faza. Fillimisht Autoriteti Portual njofton kompaniteë të shprehin interes, skualifikon ato që sipas tij nuk plotësojnë kriteret dhe kompaninë ose kompanitë e kualifikuara i fton të dorëzojnë ofertet ekonomike.

E gjithë kjo procedure zhvillohet brenda vetëm 20 diteve duke asgjësuar praktikisht konkurrencen në garë dhe duke e servirur koncesionin e maskuar, atje ku është paracaktuar.

Nën zë flitet se koncesioni është përgatitur për një kompani bullgare, pas të cilës qëndron një politikan i fuqishëm në Durrës. Gjithçka thuhet se ka nisur një vit e ca më parë, gjatë një vizitë në Athinë, ku ka qënë i pranishëm edhe vetë kryeministri Edi Rama.

Koicidencat në gjithë këtë histori janë të shumta. Vetë drejtori i Autoritetit Portual zoti Vengu, është nënshtetas grek, që para disa vitesh, kur punonte në Ministrinë e Jashteme, i pat ardhur edhe fletëthirrja për ushtar nga shteti grek. Njëkohësisht në atë kohë, opozita shqiptare sapo kishte djegur mandatet, por një numër i vogël deputetësh vendosi të qëndrojë në Parlament, dhe me sa duket, nderet shlyhen me ndere. Kjo ishte dhe pikënisja e koncesionit.