E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama “e shiti” në publik për propagandë/ Qytetarja e nxjerr bllof: "Në foto jam, por çekun e bebes s’ma dhatë

4 Shtator 2020, 07:34, Politikë CNA

Propaganda e kryeministrit Edi Rama ka dështuar sërish. Rama publikoi disa ditë më parë foton e një nëne me foshnjën e saj të porsalindur dhe deklaronte se 19,162 bebe kanë marrë bonusin e qeverisë.

Por qytetarja ka nxjerrë bllof kryeministrin, pasi ka komentuar dhe ka deklaruar se fotoja me foshnjen është e saj, por bonusin qeveria nuk ia ka dhënë me pretekstin se i ka kaluar afati.

Këtë koment e ka publikuar zëdhënësja e Partisë Demokratike, Ina Zhupa, e cila deklaron se gënjeshtra del haptas me fjalët e sinqerta të një nëne që bonusin e bebes nuk e mori kurrë, por foton ia keqpërdorën për të mashtruar.

?Edi Rama nuk e di që nevojat e prindërve kur vjen një jetë e re në familje janë të shumta. Kur ke 7 vjet që gjithë kohën dhe energjinë e shpenzon për të prodhuar propagandë, nuk arrin as te kuptosh e jo më të ndihmosh njerëzit që kanë nevojë për ndihmë.

Shporta fasadë, foto në maternitet, foto me fëmijë të pafajshëm që përdoren për të mbushur videot e propagandës, ndërsa xhepat e prindërve zbrazen çdo ditë e më shumë. Zvarritje pa fund për të tërhequr bonusin e bebes, procedura të komplikuara me afate, të gjitha kurthe që nënat dhe baballarët mos marrin asnjë ndihmë reale nga shteti.

Nuk ka formë propagande që e fsheh revoltën e kësaj nëne, që i kanë përdorur foton e saj dhe të foshnjes për të gënjyer për bonusin e bebes. Shqiptarët nuk janë për tu tallur dhe përdorur po për t’u ndihmuar. Por Kryegënjeshtari në ikje nuk e bëri kurrë?, shkruan Zhupa në rrjetet sociale./ CNA.al