web counter
LEXO PA REKLAMA!

SHKARKO APP

App Store
Google Play

E fundit!

x

Kufijtë detarë/ Idrizi “godet” Mitsotakis: Nëse do hapë çështje të tilla, ne do kërkojmë Çamërinë

4 Shtator 2020, 08:15, Politikë CNA

Kryetari i PDIU-së Shpëtim Idrizi ka dhënë detaje mbi takimin e ditës së sotme me presidentin Ilir Meta.

Kreu i PDIU-së kërkoi që zgjedhjet të zhvillohen sa më parë, ndërsa e ka larguar vëmendjen tek një tjetër shqetësim.

Idrizi tha për mediat se Metës i kishte shprehur shqetësimin për çështjen e kufijve me Greqinë, që sipas tij nuk kanë pse të diskutohen aspak.

Ai i cilësoi të patolerueshme deklaratat e kryeministrit grek Kyriakos Mitsotakis, ndërsa theksoi se nëse Greqia do të hapë çështje të tilla, ne do të kërkojmë Çamërinë.

?I shpreha shqetësimin Presidentit për faktin që duhet të ketë vëmendjen qeveria shqiptare për zonat ekskluzive ekonomike, sepse në këtë marrëveshje dy ishujt kanë marrë të drejtë të zgjerohen me 12 milje, që cënon në mënyrë të drejtpërdrejtë zonën ekonomike që ne duhet të ndajmë me Greqinë dhe Italinë. Më vjen mirë që ditët e fundit kryeministri ka bërë një tërheqje dhe e ka lexuar edhe vetë pikën 15 të Konventës. Më duhet të theksoj fort dhe të bëj të qartë për publikun se qeveritë shqiptare janë në sindromën e Shën Naumit dhe qeveria shqiptare nuk duhet të diskutojë më për kufijtë detarë e tokësorë me Greqinë.

Shqipëria ka lëshuar gati 30% të territorit të saj, e kam fjalën për Çamërinë. Ne nuk kemi çfarë bisedojmë me Greqinë për ujërat territorial, por vetëm për zonat ekonomike. Nëse Greqia do të hapë çështje të tilla, pa dyshim që ne do të kërkojmë Çamërinë. I bëra të qartë Presidentit që bisedimet mes dy vendeve duhet të fillojnë nga heqja e ligjit të luftës, të vazhdojnë me zgjidhjen e çështjes çame. PDIU i shprehu shqetësimet Presidentit që qeveria ka fshehur agjendën shqiptare në diskutimet mes Shqipërisë dhe Greqisë dhe ka avancuar me agjendën greke?, theksoi Idrizi./ CNA.al





Lajmet e fundit nga