web counter
LEXO PA REKLAMA!

SHKARKO APP

App Store
Google Play

Pas takimit me Metën/ Basha flet për zgjedhjet: E rëndësishme është të jenë të lira

4 Shtator 2020, 10:34, Politikë CNA

Kryetari i Republikës së Re Lulzim Basha, ka dhënë një prononcim për mediat pas takimit me presidentin Ilir Meta.

Basha tha se qytetarët kanë nevojë urgjente për të rritur mirëqenien, ndërsa theksoi se janë lodhur nga mastrimet.

Kreu i opozitës deklaroi se zgjedhjet duhet të zhvillohen sa më parë dhe duhet të jenë të lira e të ndershme.

?Shumica absolute e shqiptarëve kërkojnë zgjedhje sot, jo nesër. Ata duan zgjidhje sepse janë të lodhur nga propaganda, nga dështimet dhe mashtrimet. Qytetarët kanë nevojë urgjente për punë. Biznesi ka nevojë urgjente për mbështetje.

Mjekët, infermierët kanë nevojë për rritje pagash, për kushte dinjitoze për t?u përballur me kolapsin e sistemit shëndetësor i cili është bërë edhe më i dukshëm prej pandemisë. Fermerët kanë nevojë për subvencione, kanë nevojë për treg shitje. Të rinjtë kanë nevojë për mundësi për arsimim dhe punësim që të qëndrojnë, dhe të jetojnë e të ndërtojnë jetën e tyre këtu në Shqipëri.

Pensionistët kanë nevojë për rritje reale, jo elektorale të pensioneve. Pra, shumica absolute e shqiptarëve kërkojnë zgjedhje dhe zgjidhje sot, jo nesër. Për ne e rëndësishme është që procesi të jetë i lirë dhe i ndershëm.

Dhe për ta mbyllur me fjalët e Nënë Terezës meqë nesër ka edhe ditën e Shenjtërimit, ?E djeshmja ka shkuar. E nesërmja nuk ka ardhur akoma. Prandaj le të fillojmë të punojmë menjëherë për të sotmen dhe për të nesërmen, duke filluar sot të punojmë për ndryshimin?, nënvizoi Basha./ CNA.al





Lajmet e fundit nga