web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet parlamentare të së dielës/ Rama tjetër thirrje për bashkombasit në Malin e Zi

27 Gusht 2020, 10:16, Politikë CNA

Kryeminstri Edi Rama ka bërë një thirrje për bashkëatdhëtarët që jetojnë në Malin e Zi, lidhur me zgjedhjet parlamentare të së dielës.

Rama i kërkon atyre të votojnë listën shqiptare dhe të forcojnë partneritetin strategjik me Presidentin Milo Gjukanoviç dhe partinë e tij.

Në një postim në rrjetet sociale, kreu i qeverisë dekaron se lista shqiptare lidh bashkë shqiptarët për të mbështetur njëri ?tjetrin dhe drejtimin euro-atlantik të Malit të Zi.

?Ju bëj thirrje që ta mbështesni sa më fuqimisht listën shqiptare. Ajo listë nuk është thjesht një mbledhje partish shqiptare por lidh për herë të parë Malësinë dhe Ulqinin në një grupim të vetëm dhe si rrjedhojë lidh bashkë shqiptarët në ato treva për të mbështetur njëri ?tjetrin dhe drejtimin euro-atlantik të Malit të Zi.

Ju mund të mos jeni shumë të mëdhenj në numër por pesha juaj është aspak e vogël dhe në këto zgjedhje peshon më shumë se sa në të gjitha zgjedhjet pas pavarësisë së vendit të bukur ku ju jetoni. Për ju ka qenë i pazëvendësueshëm, në pavarësinë e Malit të Zi zhvillimet e demokracisë shumë etnike dhe zhvillimit demokratik e social të vendit ku ju kontribuoni.

Sot ju kryeni detyra të rëndësishme në të gjitha nivelet institucionale të shtetit tuaj për procesin e integrimit evropian dhe mos harroni çfarë përpjekjesh ka bërë dhe bën diaspora e shkëlqyer e shqiptarëve nga Mali i Zi si një zëdhënëse e fuqishme e interesave kombëtare anë e kënd botës dhe si mbrojtëse e frymës euroatlantike në tërësi.

Prandaj vëllezër e motra përfshihuni dhe të dielën dilni nga shtëpia për të mbështetur listën shqiptare  dhe për të mbrojtur e forcuar partneritetin strategjik me presidentin Gjukanovic për një Mal të Zi pro perëndimor dhe demokratik. E di që ka ende probleme për tu zgjidhur, e di që keni plot kritika për partinë në pushtet atje por që të vazhdoni kritikat dhe të realizoni edhe më shumë akoma votoni listën shqiptare?, thekson kryeministri./ CNA.al





Lajmet e fundit nga