web counter
LEXO PA REKLAMA!

SHKARKO APP

App Store
Google Play

E fundit!

x

Bojkotoi zgjedhjet e 30 qershorit/ Basha i bën thirrje shqiptarëve në Mal të Zi: Dilni masivisht të votoni

26 Gusht 2020, 13:49, Politikë CNA

Ndonëse vetë dogji mandatet dhe bojkotoi zgjedhjet  30 qershorit të 2019-ës, Lulzim Basha i kërkon Malit të Zi të shkojë masivisht në zgjedhje.

Në një postim në rrjetet sociale, Basha bën thirrje që bashkombasit tanë në Mal të Zit ë votojnë listat shqiptare.

Kreu i Republikës së Re thotë se nëpërmjet votës për partitë shqiptare, ata mund të sigurojnë mbrojtjen e të drejtave dhe interesave dhe të garantojnë një të ardhme më të mirë për fëmijët.

?Ju bëj thirrje bashkëkombësve tanë në Mal të Zi që të dalin masivisht në zgjedhjet parlamentare të 30 gushtit dhe të votojnë listat shqiptare. Të dashur motra dhe vëllezër, nëpërmjet votës tuaj për partitë shqiptare, ju mund të siguroni mbrojtjen e të drejtave dhe interesave tuaja dhe të garantoni një të ardhme më të mirë për fëmijët tuaj.

Ne krenohemi me faktin që shqiptarët në Mal të Zi kanë luajtur rol kyç në arritjen e pavarësisë së Malit të Zi dhe në përmbushjen e aspiratës së anëtarësimit në NATO. Jam i bindur që faktori politik shqiptar do të vazhdojë që në mënyrë konstruktive të japë kontribut të çmuar në përshpejtimin e integrimit europian të Malit të Zi. Forcimi i përfaqësimit të partive shqiptare në parlament, është një kontribut i shtuar për paqen dhe stabilitetin në vend, për garantimin e të drejtave të shqiptarëve në Mal të Zi dhe për integrimin europian të vendit dhe mbarë rajonit?, shkruan Basha./ CNA.al





Lajmet e fundit nga