web counter
LEXO PA REKLAMA!

SHKARKO APP

App Store
Google Play

E fundit!

x

Rama dhe Manastirliu te spitali i ri i Sëmundjeve të Brendshme/ “Do përfundojë brenda 2021-shit”

26 Gusht 2020, 10:35, Politikë CNA

Kryeministri Edi Rama dhe ministrja e Shëndetësisë Ogerta Manastirliu, inspektoi punimet në spitalin e ri të Sëmundjeve të Brendshme në Qendrën Spitalore Universitare ?Nënë Tereza? në Tiranë.

Në një videolive në rrjetet sociale, Manastirliu tha se punimet e spitalit parashikohet të përfundojnë në 2021 dhe se do të jetë me standarde europiane.

?Ne duam ta përfundojmë para afatit. Do jetë një spital me standarde europiane. Me përfundimin e tij gjashtëkatëshi del jashtë funksionit. Spitali i ri i sëmundjeve të brendshme do të ketë në total 271 shtretër, 9 salla leksioni dedikuar studentëve të mjekësisë ku do të zhvillohen praktikat mjekësore, si dhe edukimi në vazhdim. Ky spital do të jetë me 7 kate, nga të cilët një nëntokë dhe me dritë natyrale në ambientet e brendëshme?, u shpreh ajo.

Ndërkohë, kreu i qeverisë deklaroi se spitali i ri i Sëmundjeve të Brendshme është një tjetër hallkë e zinxhirit të investimeve transformuese të QSUT.

Sipas tij, investimet e qeverisë po e kthejnë hap pas hapi kompleksin më të madh spitalor të Shqipërisë, në një hapësirë shërbimesh shëndetësore të rangut të parë në rajonin tonë.

?Kur Ogerta mori drejtimin e QSUT-së 7 vjet më parë, ky kompleks ishte pasqyra më rrënqethëse e degradimit shumëvjeçar të shërbimit shëndetësor shqiptar, një hapësirë ku nuk kuptohej ku mbaronte tregu i rraqeve dhe ku fillonte pazari i gjësë së gjallë, që vazhdonte quhej për inerci shërbim shëndetësor, ndërkohë që përveç heroizmit të mjekëve e përkushtimit të infermierëve, të cilët mezi dalloheshin mes turmës së miletit, mungonte gjithçka tjetër. Sot, gjithçka është ndryshe, pavarësisht se ka ende shumë për të bërë, duke filluar nga rritja e domosdoshme dhe e konsiderueshme e rrogave të personelit shëndetësor?, theksoi Rama./ CNA.al





Lajmet e fundit nga